+7 (701) 759 90 19
-11 °С : نۇر-سۇلتان
-3 °С : الماتى
USD 385.55 EUR 426.57
RUB 6.05 CNY 54.77
جاڭالىقتار

قازاقستان ايەلدەرى گينەكولوگيالىق وبىر دەرتىنە ءجيى شالدىعۋدا

19 قىركۇيەك 19:47
:ءبولىسۋ
قازاقستان ايەلدەرى گينەكولوگيالىق وبىر دەرتىنە ءجيى شالدىعۋدا

الماتى. قازاقپارات - جىل سايىن قازاقستاندا جاتىر مويىنى وبىرىنا شالدىعۋدىڭ 1800-دەن استام فاكتىسى، جاتىر قاتەرلى ىسىگىنىڭ 1100-دەن استام جاعدايى جانە انالىق بەز قاتەرلى ىسىگىنىڭ 1120 فاكتىسى انىقتالادى.

بۇل جونىندە الماتىداعى باسپا ءسوز ءماسليحاتىندا ق ر دەنساۋلىق ساقتاۋ مينيسترلىگىنىڭ باس ونكولوگى، ق ر دەنساۋلىق ساقتاۋ مينيسترلىگى قازاق ونكولوگيا جانە راديولوگيا عىلىمي- زەرتتەۋ ينستيتۋتى باسقارما ءتورايىمى، م. ع. د. ديليارا قايداروۆا ءمالىم ەتتى، دەپ حابارلايدى قازاقپارات.

جىل سايىن جاتىر مويىنى وبىرىنان - 600-گە جۋىق، جاتىر قاتەرلى ىسىگىنەن – 230، انالىق بەزدىڭ قاتەرلى ىسىگىنەن - 450-گە جۋىق ايەل كوز جۇمادى. ونىڭ باسىم كوپشىلىگى - بالا كوتەرۋگە قابىلەتتى جاستاعى كەلىنشەكتەر.

«قازىرگى تاڭدا قازاقستاندا جاتىر دەنەسىندەگى پاتولوگيانى ەرتەرەك انىقتاۋعا ارنالعان تەگىن ونكوسكرينينگ وتكىزىلەدى. ياعني 30 جاستان اسقان ءار ايەل جىل سايىن ونكوتسيتولوگياعا جاعىندى تاپسىرۋى كەرەك (پاپ- تەست). بۇل كەز كەلگەن ەمحانادا تەگىن جاسالادى. سونداي- اق، پروفيلاكتيكا جۇرگىزۋ ماقساتىندا گينەكولوگقا قارالۋعا بولادى. تۇراقتى تۇردە تەكسەرىلىپ وتىرۋ كەرەك»، - دەيدى ديليارا قايداروۆا.

سونداي- اق، ەمحانالاردا كولپوسكوپيا جۇرگىزىلەدى. ياعني پاتولوگيانى انىقتاۋ ءۇشىن جاتىر مويىنى ارنايى قۇرىلعىمەن تەكسەرىلەدى. بۇنىڭ بارلىعى قازاقستان ايەلدەرى ءۇشىن - تەگىن.

21 - قىركۇيەك، سەنبى كۇنى قازاق ونكولوگيا جانە راديولوگيا عىلىمي- زەرتتەۋ ينستيتۋتىندا، سونداي- اق، وڭىرلىك ونكوديسپانسەرلەردىڭ بارلىعىندا اشىق ەسىكتەر كۇنى وتكىزىلەدى. كەز كەلگەن ايەل ادام كەلىپ، ونكولوگتاردان كەڭەس الىپ، ونكوتسيتولوگياعا جاعىندى تاپسىرا الادى.

جاتىر مويىنى وبىرىنا شالدىعۋ دەڭگەيى قوستاناي (100 مىڭ ادامعا - 16,2)، اقتوبە (14,7)، باتىس قازاقستان (14,4) وبلىستارىندا جوعارى. ال شىمكەنت، تۇركىستان، جامبىل وبلىستارىندا دەرتكە شالدىعۋ دەڭگەيى تومەن.

جاتىر دەنەسىنىڭ قاتەرلى ىسىگىنە شالدىعۋ جاعدايلارى قاراعاندى (10,9)، شىعىس قازاقستان، پاۆلودار جانە سولتۇستىك قازاقستان وبلىستارىندا (100 مىڭ ادامعا - 9,9) ءجيى كەزدەسەدى. ال دەرتكە شالدىعۋ دەڭگەيى تومەن وڭىرلەردىڭ قاتارىندا جامبىل جانە اتىراۋ وبلىسىتارى (100 ادامعا - 3,9) تۇر.

اۆتور: ەلامان تۇرىسبەكوۆ


باستى سوزدەر: دةنساؤلئق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات