الماتى «شەتسىز قالا» بولۋى كەرەك - باقىتجان ساعىنتايەۆ

 الماتى. قازاقپارات - الماتى قالاسىنىڭ اكىمى باقىتجان ساعىنتايەۆ مەگاپوليس الدىندا تۇرعان مىندەتتەر تۋرالى ايتتى، دەپ حابارلايدى قازاقپارات ءتىلشىسى.

باقىتجان ساعىنتايەۆتىڭ ايتۋىنشا، الماتى ەلىمىزدەگى كوشباسشى قالا رەتىندە جىلىنا % 5 ەكونوميكالىق ءوسىم بەرۋى ءتيىس. وتكەن جىلى ج ا ءو فيزيكالىق كولەمىنىڭ يندەكسى نەبارى % 2,8 ءوستى - بۇل حالىق ءوسىمىنىڭ قارقىنىنان (% 2,9) تومەن.

ماڭىزدى مىندەت - ەڭبەكپەن قامتۋ قۇرىلىمىندا قايشىلىقتاردى جويۋ، ءبىلىم، دەنساۋلىق ساقتاۋ، كاسىبي جانە عىلىمي- تەحنيكالىق ءىس- قيمىل، اقپاراتتىق تەحنولوگيا ەنەتىن الەۋمەتتىك ەكونوميكا ۇلەسىن ارتتىرۋ.

«حالىق تابىسىنىڭ ءوسۋى ءومىر ءسۇرۋ جانە كوشۋ شىعىندارىنان ارتىق بولۋى ءتيىس. ۇلكەن قالا شىعىنداردى ازايتۋدىڭ اۋقىمدى ىقپالىن ۇسىنا الادى. مۇنىڭ ءمانى - بەلسەندىلىك پەن ىنتىماقتاستىقتا»، - دەپ اتاپ ءوتتى ب. ساعىنتايەۆ.

ول سونىمەن قاتار قالا ەكونوميكاسىنىڭ پەرسپەكتيۆالى «ءوسۋ نۇكتەلەرىن» اتاپ ءوتتى. ولار: لوگيستيكا، قۇرىلىس، قارجى جانە ساقتاندىرۋ، اقىلدى يندۋستريا، ءسان يندۋسترياسى، ونەر، ويىن- ساۋىق، تۋريستىك يندۋستريا جانە جىلجىمايتىن مۇلىك سالاسىنداعى وپەراتسيالار.

الماتى تەحنولوگيادا، دەنساۋلىق ساقتاۋدا، حالىقارالىق بيزنەستە، مەنەدجمەنتتە، تابيعي ەكوجۇيەلەردى باسقارۋدا، وزگە دە قالاعا قاجەت سالالاردا كاسىپكەرلەر، ماماندار ءۇشىن ۇزدىك ورتاازيالىق الەۋمەتتىك ليفت بولۋى ءتيىس.

«ياعني، الماتىدا «الماتىلىق ارمان» («امەريكالىق ارمانعا» ۇقساس) ورىندالۋى ءتيىس. الماتىدا ادامي كاپيتال ءوز ءىسىنىڭ بىلگىرلەرى ارقىلى دامىپ، ءار وڭىردەن دارىنداردى تارتىپ، قالا تۇرعىندارى اراسىندا باسەكەگە قابىلەتتى ارتتىرۋى قاجەت. سوندا عانا ينۆەستيتسيا، كومپەتەنتسيالار مەن ينفراقۇرىلىم ءبىزدىڭ قالامىزدى دامىتۋدىڭ شىنايى ۆەكتورىنا اينالادى»، - دەدى قالا باسشىسى

الماتىلىقتاردىڭ ءومىر دەڭگەيىنىڭ ساپاسىن ارتتىرۋ ءۇشىن كەشەندى ماسەلەلەردى شەشۋ قاجەت. ولار - ەكولوگيا جانە قوعامدىق قاۋىپسىزدىك، ساپالى ءبىلىمنىڭ قولجەتىمدىلىگى، دەنساۋلىق ساقتاۋ، الەۋمەتتىك سەرۆيس، اۋقىمدى تۇرعىن ءۇي قۇرىلىسى، قالانىڭ ينفراقۇرىلىم بازاسىن مودەرنيزاتسيالاۋ، اباتتاندىرۋ مەن جاسىلداندىرۋ.

«ەڭ سوڭعىسى، الماتىنىڭ الەۋمەتتىك- ەكونوميكالىق دامۋىندا «ورتالىق - شەت» جەلىسىندە بازالىق ايىرماشىلىقتى جويۋ»، - دەيدى ب. ساعىنتايەۆ.

الەۋمەتتىك جاعدايدا «ەكى الماتى» قالىپتاسىپ وتىر. جەتىلگەن، جايلى جانە قولايلى ورتالىق جانە ارتتا قالعان جەتىلمەگەن شەت ايماق.

«مەنىڭ پوزيتسيام مىنانداي: مەگاپوليستىڭ بارلىق اۋداندارىندا تۇرعىلىقتى جەرلەرىنە قاراماستان، الماتىلىقتاردىڭ ءومىر ءسۇرۋى ءۇشىن جوعارى ستاندارتتى قامتاماسىز ەتۋ. مەن قالامىزدىڭ «شەتسىز قالا» بولۋىن جاقتايمىن. زاماناۋي قالالار ورتالىقتاندىرىلعان، ءار اۋداننىڭ ءوز تارتىمدىلىعى جانە ءوسۋ درايۆەرى بولادى. ءىرى مەگا- قالالاردا كەرى پروتسەسستەر جۇرەدى، ياعني ادامدار قالا ماڭىنا قونىستانا باستايدى. ويتكەنى ولاردا ءومىر ءسۇرۋ دەڭگەيى جوعارى. دەمەك، قالا ينفراقۇرىلىمىن دامىتۋدا ايماقتىق پەن جەرگىلىكتى ورتالىقتاردىڭ دامۋى ەسكەرىلۋى ءتيىس»، - دەپ قورتىندىلادى الماتى اكىمى.

اۆتور: الما مۇقانوۆا