شەتەلدىكتەر قازاقستاندىق جۇمىسشىلاردان الدەقايدا كوپ سىياقى الىپ كەلگەن - باس پروكۋراتۋرا
«بۇل ماسەلە ءجيى كوتەرىلىپ كەلەدى. ونىڭ ىشىندە بىرىككەن كاسىپورىندارعا بايلانىستى. وتىنىشتەردى تىڭداساق، ءبىزدىڭ ازاماتتاردىڭ قۇقىعى بۇزىلىپ، جالاقى كولەمى شەتەل ازاماتتارىمەن سالىستىرعاندا 2-2,5 ەسە تومەن ەكەنى ءجيى ايتىلادى. وسىعان بايلانىستى ق ر ەڭبەك جانە حالىقتى الەۋمەتتىك قورعاۋ مينيسترلىگى باس پروكۋراتۋراعا ۇسىنىس جاساعان سوڭ ءبىز ونى قولدادىق. 60-قا جۋىق كاسىپورىندى بەلگىلەپ الدىق. بۇگىنگى كۇنى 38 كاسىپورىنعا قاتىستى تەكسەرۋ اياقتالدى. سونىڭ ناتيجەسىندە 460-تان استام ەڭبەك زاڭدىلىعىن بۇزۋ فاكتىلەرىن انىقتادىق. ونىڭ ىشىندە رۇقساتقا سايكەس ەمەس جۇمىستاردى اتقارۋ بويىنشا 150-گە تارتا فاكت انىقتالدى»، - دەگەن باس پروكۋراتۋرا وكىلى جۇمىسشىلارىن الالايتىن كاسىپورىندارعا توقتالدى.
«الماتى وبلىسىندا «سيتي كونستاكشن» دەگەن شەتەلدىك كاسىپورىن بار. ول جەردە ازاماتتارعا جالاقىدان بولەك سىياقى بەرىلەدى. شەتەل ازاماتتارى 750 مىڭ تەڭگە الاتىن بولسا، ءبىزدىڭ ازاماتتار 2,5 ەسە تومەن الىپ كەلگەن. ءبىز مۇنداي جاعدايلاردى وتە كوپ انىقتادىق. وسىنداي جاعداي اقتوبە وبلىسىندا دا انىقتالدى. «سينوپەك قازاقستان» ج ش س- ندە سىياقى بەرەر كەزدە شەتەل ازاماتتارى ءبىزدىڭ ازاماتتارمەن سالىستىرعاندا 1,5-2 ەسەگە دەيىن كوپ الىپ كەلگەن. ەڭبەك ينسپەكتسياسىمەن بىرگە جۇمىس جۇرگىزىپ جاتقاندىقتان، ءبىزدىڭ قويعان تالاپ بويىنشا 31 ۇيعارىم ەنگىزىپ، 60-قا جۋىق اكىمشىلىك قۇقىق بۇزۋ ىستەرى قارالدى. ەسكەرتۋ العاندار بار. ونىڭ ۇستىنە 34-ايىپپۇل سالىندى. ونىڭ جالپى سوماسى - 6,5 ميلليون تەڭگە»، - دەدى ساپاربەك نۇرپەيىسوۆ.
اۆتور: ەسىمجان ناقتىباي