مۇعالىمدەر ءۇشىن جاڭا مەملەكەتتىك سىيلىق تاعايىندالادى
«مۇعالىمدەرگە قاتىستى ماتەريالدىق ەمەس ىنتالاندىرۋ شارالارى قاراستىرىلعان. ءبىرىنشى كەزەكتە بالاباقشادان ورىن بەرۋ ماسەلەسى ەسكەرىلگەن. سونىمەن قاتار، «قازاقستاننىڭ ەڭبەك سىڭىرگەن ۇستازى» مەملەكەتتىك ماراپاتىنىڭ جاڭا ءتۇرىن ەنگىزۋ دە بار»، - دەدى ق ر ءبىلىم جانە عىلىم ءمينيسترى اسحات ايماعامبەتوۆ.
ونىڭ سوزىنە قاراعاندا، اسكەري قىزمەتكە شاقىرۋدى كەيىنگە قالدىرۋ ۇسىنىسى دا نازارعا الىنىپ وتىر.
«اۋىلدىق جەردە جۇمىس ىستەيتىن مۇعالىمدەردى ەڭبەكاقىسىن ارتتىرۋ، «ۇزدىك پەداگوگ»، «ج و و- نىڭ ۇزدىك وقىتۋشىسى» گرانتتارى سياقتى قولدانىستاعى بارلىق الەۋمەتتىك كەپىلدىكتەر دە مىندەتتى تۇردە زاڭ جوباسىندا ساقتالدى»، - دەدى ا. ايماعامبەتوۆ.
سونىمەن قاتار، ول مەملەكەت باسشىسىنىڭ تاپسىرماسى اياسىندا الداعى ءتورت جىلدا مۇعالىمدەردىڭ ەڭبەكاقىسىن ەكى ەسەگە ارتتىرۋ كوزدەلگەنىن ەسكە سالدى. الداعى جىلدان باستاپ پەداگوگتاردىڭ جالاقىسى 25 پايىزعا وسەدى.