قازاقستانعا قانشا ەلدىڭ تۇرعىندارى ۆيزاسىز كەلە الادى؟
«ءبىزدىڭ ەلىمىز سامميت، ازيا ويىندارى، ەكسپو كورمەسى سىندى الەمدىك شارالاردى ۇيىمداستىرسا دا، مۇنداي اۋقىمداعى سالالىق تۋريستىك كورمەنى العاش رەت وتكىزىپ جاتىرمىز. قازاقستاننىڭ جاھاندىق مادەني جانە ەكونوميكالىق ينتەگراتسياسى ەلىمىزدىڭ ماڭىزدى سىرتقى ساياسي باعىتى بولىپ سانالادى. ءبىز ءوزىمىزدى تۋريستەرگە اشىق ەل رەتىندە ۇسىنامىز. بۇگىندە قازاقستانعا 63 ەلدىڭ تۇرعىندارى ۆيزاسىز كىرە الادى. ال قىتاي مەن ءۇندىستان ءۇشىن ارنايى ترانزيتتىك ۆيزاسىز رەجيم بار»، - دەدى ق ر مادەنيەت جانە سپورت مينيسترلىگىنىڭ جاۋاپتى حاتشىسى باقىتجان تەمىربولات.
ايتا كەتەيىك، PATA Travel Mart 2019 كورمەسىنە ازيا-تىنىق مۇحيتى ايماعى ەلدەرىنىڭ 250 دەن استام تۋريستىك كومپانياسى قاتىسۋدا. كورمە اياسىندا Tax Free قازاقستاننىڭ تۋريستەرگە سالىقسىز جۇيەسى ىسكە قوسىلادى.
سونداي-اق، PATA Gold Awards 2019 جۇلدەسىنىڭ جەڭىمپازدارى ماراپاتتالادى.