ەلوردادا اسا ءىرى كولەمدە ەسىرتكى تابىلدى

نۇر-سۇلتان. قازاقپارات - ەلوردالىق پوليتسەيلەر ارنايى وپەراتسيا بارىسىندا اسا ءىرى كولەمدە ەسىرتكى زاتتارىن ساقتاعان كۇدىكتىنى ۇستادى.

بۇل تۋرالى قازاقپارات نۇر-سۇلتان قالاسىنىڭ پوليتسيا دەپارتامەنتىنە سىلتەمە جاساپ حابارلايدى.

«36 جاستاعى ەر ادام تاراز كوشەسىندە كولىگىنىڭ جانىندا ۇستالدى. ونىڭ كولىگىن ءتىنتۋ كەزىندە جەدەل ۋاكىلدەر ورىندىق استىنان ۇنتاق ءتارىزدى زات سالىنعان پوليەتيلەن پاكەت تاپقان. ساراپتاما قورىتىندىسى بويىنشا، سالماعى 200 گرامنان اساتىن گاشيش ەسىرتكى زاتى تاركىلەندى. كۇدىكتىنىڭ بۇرىن وسىعان ۇقساس قىلمىستار ءۇشىن بىرنەشە رەت سوتتالعانى بەلگىلى بولدى»، - دەلىنگەن حابارلامادا.

اتالعان فاكتى بويىنشا ق ر قىلمىستىق كودەكسىنىڭ 296-بابىنىڭ 4-بولىگىمەن سوتقا دەيىنگى تەرگەۋ ءجۇرىپ جاتىر. كۇدىكتى نۇر-سۇلتان قالاسىنىڭ تەرگەۋ يزولياتورىنا قامالعان.

ەلوردالىق پوليتسيا دەپارتامەنتىنىڭ مالىمەتىنە قاراعاندا، جىل باسىنان بەرى ەسىرتكىگە قاتىستى 400 دەن استام قىلمىس تىركەلگەن. ونىڭ ىشىندە 62 ءىس ساۋدامەن بايلانىستى. زاڭسىز اينالىمنان 100 كەلى ەسىرتكى الىندى.