بالاعا ايدار قويۋدىڭ ءمانى نەدە؟
«قازاق حالقى كىشكەنتاي بالانى ءتىل-كوزدەن ساقتاۋ ءۇشىن وعان ايدار، تۇلىم، جەلكە شاش قويعان. ايدار، تۇلىمدى قىز بالاعا دا قويعان. ۇل بالانىڭ ايدارى توبەسىنەن قويىلعان نەمەسە جەلكە تۇسىنان ءبىر عانا شاش قالدىرعان. ونى «جەلكە شاش» دەيدى.
كەيىن بۇل شاشتى ءوسىرىپ، ورگەن. ايدار، تۇلىمدى، جەلكە شاشتى بالا سۇندەتتەلگەنگە دەيىن نەمەسە العاشقى مۇشەل جاسقا (13 جاس) دەيىن الماعان»، - دەيدى تاتتىگۇل قارتايەۆا.
ول سونداي-اق قازاقتاردىڭ ايدار، تۇلىم مەن جەلكە شاشتى كەز كەلگەن بالاعا قويماعانىن اتاپ ءوتتى.
«ەگەر بالاسى كوپ شەتىنەسە، بىرنەشە رەت تۇسىك جاساسا، بەسىكتە جاتقان ءسابي اۋرۋشاڭ بولسا، «كوز تيمەسىن» دەپ ايدار، تۇلىم، جەلكە شاش قويعان. سونداي- اق ايەل كىلەڭ ۇل تۋىپ، سوڭىندا قىز بالانى دۇنيەگە اكەلگەن كەزدە، «ءتىل- كوزدەن ساقتاسىن» دەپ سابيگە تۇلىم قويعان. قىزدىڭ تۇلىمى ەكى سامايىنان قويىلعان. ونىڭ ايدار، تۇلىمىن تۇبىنەن كەسىپ تاستاماعان»، - دەيدى عالىم.
Sputnik