ارنايى «حابار» اگەنتتىگىنىڭ تاپسىرىسىمەن تۇسىرىلگەن فيلم ت ە ف ي سىيلىعىنا يە بولدى

نۇر-سۇلتان. قازاقپارات - «حابار» اگەنتتىگىنىڭ تاپسىرىسىمەن تۇسىرىلگەن «شەستوي پوست» فيلمى «ت ە ف ي- سودرۋجەستۆو» بايقاۋىنىڭ سىيلىعىنا يە بولدى، دەپ حابارلايدى حابار 24kz.

«ت ە ف ي-سودرۋجەستۆو» بايقاۋىنىڭ سىيلىعىن تابىستاۋدىڭ سالتاناتتى ءراسىمى العاش رەت كيشينيەۆتە ءوتتى. كوركەم فيلمدە بۇدان 9 جىل بۇرىن ماڭعىستاۋ وبلىسىندا بولعان قايعىلى وقيعا جايلى باياندالعان. بۇل بولعان وقيعانىڭ ىزىمەن تۇسىرىلگەن فيلم. 2010-جىلدىڭ 22- ماۋسىمى. ماڭعىستاۋ وبلىسى گ م 172/1 تۇزەۋ كولونياسىنان جات اعىمنىڭ جەتەگىندە كەتكەن 21 تۇتقىن قاشپاق بولادى.

ولاردى الىپ كەتۋگە مۇزداي قارۋلانعان ونداعان ادام مەن بىرنەشە كولىك تۇرمە سىرتىندا كۇتىپ تۇرادى. الايدا قاراۋىلدا تۇرعان سارباز قاشقىنداردى بايقاپ قالىپ، قىلمىسكەرلەردىڭ سىتىلىپ كەتۋىنە جول بەرمەيدى.