+7 (701) 759 90 19
-9 °С : نۇر-سۇلتان
7 °С : الماتى
USD 389.98 EUR 434.01
RUB 6.10 CNY 55.04
جاڭالىقتار

استانالىق ستۋدەنت دونورلاردى ىنتالاندىراتىن قوسىمشا جاسادى

19 قىركۇيەك 07:51
:ءبولىسۋ
استانالىق ستۋدەنت دونورلاردى ىنتالاندىراتىن قوسىمشا جاسادى

نۇر-سۇلتان. قازاقپارات - ەلوردادا ءوتىپ جاتقان «Jastar jаlyny сamp-2019» جاستار لاگەرىنىڭ قاتىسۋشىلارى الەۋمەتتىك جوبالارىن تانىستىردى، دەپ حابارلايدى قازاقپارات ءتىلشىسى.

نۇر-سۇلتان قالاسىنىڭ مەنەدجمەنت جانە بيزنەس كوللەدجىنىڭ ستۋدەنتى ءمولدىر بورانبايەۆا «جۇرەك قالاۋى» اتتى جوبا ۇسىنعان. جوبا ارقىلى كوللەدج ستۋدەنتتەرى ءار سەنبى سايىن قالا حالقىنا تەگىن كومەك كورسەتەدى جانە ماماندىقتارى بويىنشا تاجىريبە جيناقتايدى.

«ماسەلەن، بولاشاق زاڭگەرلەر حالىققا تەگىن كونسۋلتاتسيا بەرىپ، ولاردىڭ سۇراقتارىنا جاۋاپ بەرەدى. ديزاينەرلەر مەن تىگىنشىلەر مۇقتاج جانداردىڭ كيىمىن تىگەدى. شاشتارازدار ءوز كاسىبى بويىنشا كومەك كورسەتەدى. بىزگە اتا- اجەلەر كوپ جۇگىنەدى. ناۋقان ءبىزدىڭ كوللەدجدىڭ ءماجىلىس زالىندا وتەدى. ءبىزدىڭ تۇراقتى كليەنتتەرىمىز دە بار»، - دەيدى م. بورانبايەۆا.

بۇل باستامانى كوللەدج باسشىلىعى قولداعان جانە وننان استام ستۋدەنت ءوز تاجىريبەسىن شىڭداعان.

«استانا جاستارى» ۇيىمداستىرعان بۇگىنگى لاگەر ارقىلى جوبامىزدى وزگە وقۋ ورىندارىنا كورسەتكىمىز كەلەدى. ءار قالادان وسىنداي پايدالى جوبالاردىڭ اشىلعانىن قالايمىز»، - دەيدى ستۋدەنت.

تاعى ءبىر قاتىسۋشى - «استانا» مەديتسينالىق ۋنيۆەرسيتەتىنىڭ 4-كۋرس ستۋدەنتى رۋزي شيحوۆ پەن ونىڭ كومانداسى قان دونورلارىنا ارنالعان ءموبيلدى قوسىمشا ازىرلەگەن.

«ءبىزدىڭ جوبا قازاقستانداعى قان دونورلارىن كوبەيتۋ ماقساتىندا جاسالعان. ءبىزدىڭ قوسىمشا دونورلاردى ىنتالاندىرا تۇسەدى. ياعني، ءار پروتسەدۋرا سايىن كۋپون الىپ، ونى كەلىسىم ورناتقان كاسىپكەرلەردىڭ جەڭىلدىگىنە ايىرباستاي الادى. ودان بولەك، قان تاپسىرۋ ءۇشىن قايدا بارۋ كەرەك، نە ىستەۋ كەرەك دەگەن سۇراقتارعا جاۋاپ جازىلعان. ءار قولدانۋشىنىڭ جەكە كابينەتىندە ءوزى تۋرالى اقپارات، قانىنىڭ سيپاتتاماسى، ۆيچ- جۇقپاسى مەن ۆ گەپاتيتىن جۇقتىرماعانى تۋرالى انىقتاما تۇرادى»، - دەپ ءتۇسىندىردى ر. شيحوۆ.

ازىرگە موبيلدى قوسىمشانىڭ بەتا- نۇسقاسى Android پلاتفورماسىنا ورناتىلعان.

«قوسىمشانى تولىق جاساپ شىعارۋ ءۇشىن قاراجات كەرەك. ازىرگە، جەڭىلدىكتەر بولىگىن دە اياقتامادىق. سەبەبى، جەڭىلدىك ۇسىناتىن كاسىپكەرلەردى تابۋ قاجەت. قوعامدىق ورىندار مەن الەۋمەتتىك جەلىلەردە دونورلىقتىڭ ماڭىزىن ءتۇسىندىرۋدى جالعاستىرامىز»، - دەيدى ر. شيحوۆ.

ايتا كەتەيىك، 17-، 18-، 19- قىركۇيەك كۇندەرى ەلوردادا «Jastar jalyny Camp - 2019» جاستار لاگەرى وتەدى. وندا جاستارعا ارنالعان شەبەرلىك ساعاتتارى مەن ترەنينگتەر، فۋتبول جانە ۆولەيبولدان تۋرنيرلەر وتەدى. سونىمەن بىرگە، جاستاردى زياتكەرلىك ويىندار، سپورتتىق، شىعارماشىلىق جارىستار جانە «Open Air» كەشى ۇيىمداستىرىلادى.

اۆتور: ايجان سەرىكجان قىزى


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات