پرەزيدەنت بۇگىنگى كادرلىق اۋىس- تۇيىستەرگە قاتىستى پىكىر ءبىلدىردى
«تاجىريبەلى مەملەكەتتىك قىزمەتشى قىرىمبەك كوشەربايەۆ مارات ءتاجيننىڭ ورنىنا مەملەكەتتىك حاتشى لاۋازىمىنا تاعايىندالدى. ۇزاق جىلدار بويى مەملەكەت ىسىنە سىڭىرگەن ەڭبەگى ءۇشىن مارات تاجينگە العىس ايتامىن. ونىڭ ءبىلىمى مەن بىلىگى ەلىمىزدىڭ يگىلىگىنە قىزمەت ەتە بەرەدى»، - دەپ جازدى قاسىم- جومارت توقايەۆ.
ول سونداي- اق، باسقا دا اۋىس- تۇيىستەرگە قاتىستى پىكىر ءبىلدىردى.
«ب. اتامقۇلوۆ يندۋستريا جانە ينفراقۇرىلىمدىق دامۋ ءمينيسترى لاۋازىمىنا اۋىستىرىلدى. ول س ءى م وكىلەتتىگىنىڭ كەڭەيۋىنە بايلانىستى مينيسترلىكتىڭ قۇرىلىمىن قايتا قۇرۋ بويىنشا پايدالى جۇمىس اتقاردى. تابىستى ەڭبەك جولىنان وتكەن ر. سكليار پرەمەر- ءمينيستردىڭ ورىنباسارى بولىپ تاعايىندالدى»، - دەيدى مەملەكەت باسشىسى.
ەسكە سالا كەتەيىك، بۇگىن مەملەكەت باسشىسىنىڭ جارلىعىمەن ەرلان قوشانوۆ قازاقستان رەسپۋبليكاسى پرەزيدەنتى اكىمشىلىگىنىڭ باسشىسى قىزمەتىنە تاعايىندالدى. مارات ءتاجين باسقا جۇمىسقا اۋىسۋىنا بايلانىستى قازاقستان رەسپۋبليكاسىنىڭ مەملەكەتتىك حاتشىسى قىزمەتىنەن بوساتىلدى. ال قىرىمبەك كوشەربايەۆ - قازاقستان رەسپۋبليكاسىنىڭ مەملەكەتتىك حاتشىسى، رومان سكليار - قازاقستان رەسپۋبليكاسى پرەمەر- ءمينيسترىنىڭ ورىنباسارى بولدى.
سونداي- اق، بەيبىت اتامقۇلوۆ قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ءمينيسترى، مۇحتار تىلەۋبەردى قازاقستان رەسپۋبليكاسىنىڭ سىرتقى ىستەر ءمينيسترى قىزمەتىنە تاعايىندالدى.