قازاقستاننىڭ سىرتقى ىستەر مينيسترلىگىنە جاڭا باسشى كەلدى

 نۇر- سۇلتان. قازاقپارات - مۇحتار تىلەۋبەردى قازاقستان رەسپۋبليكاسىنىڭ سىرتقى ىستەر ءمينيسترى قىزمەتىنە تاعايىندالدى، دەپ حابارلايدى اقوردا.

مۇحتار بەسكەن ۇلى تىلەۋبەردى 1968 -جىلى وڭتۇستىك قازاقستان وبلىسىندا دۇنيەگە كەلگەن. قازاق مەملەكەتتىك ۋنيۆەرسيتەتىن ءتامامداعان.

1993-1996 -جىلدارى - قازاقستان رەسپۋبليكاسى سىرتقى ىستەر مينيسترلىگى ازيا ەلدەرى باسقارماسىنىڭ اتتاشەسى، ءۇشىنشى حاتشىسى. 1996-1999 -جىلدارى - قازاقستان رەسپۋبليكاسىنىڭ كورەياداعى ەلشىلىگىنىڭ ءۇشىنشى، ەكىنشى حاتشىسى. 1999-2000 -جىلدارى - قازاقستان رەسپۋبليكاسى سىرتقى ىستەر مينيسترلىگى ازيا، تاياۋ شىعىس جانە افريكا ەلدەرى دەپارتامەنتىنىڭ ءبىرىنشى حاتشىسى، ەكىجاقتى ىنتىماقتاستىق دەپارتامەنتىنىڭ ءبولىم باستىعى. 2001-2003 -جىلدارى - قازاقستان رەسپۋبليكاسىنىڭ يزرايلدەگى ەلشىلىگىنىڭ كەڭەسشىسى، ق ر ىستەرىنىڭ يزرايلدەگى ۋاقىتشا سەنىمدى وكىلى. 2003-2004 -جىلدارى - قازاقستان رەسپۋبليكاسى سىرتقى ىستەر ۆيتسە- ءمينيسترى.

2004 -جىلدان باستاپ ق ر مالايزياداعى توتەنشە جانە وكىلەتتى ەلشىسى، 2005 -جىلدان باستاپ قازاقستاننىڭ يندونەزياداعى، برۋنەي دارۋسسالامداعى جانە فيليپپين رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقاردى. 2009 -جىلدان باستاپ ق ر- نىڭ جەنيەۆاداعى ب ۇ ۇ بولىمشەسىندەگى جانە باسقا دا حالىقارالىق ۇيىمدارداعى تۇراقتى وكىلى، قازاقستاننىڭ شۆەيتسارياداعى توتەنشە جانە وكىلەتتى ەلشىسى، ەلىمىزدىڭ ليحتەنشتەين كىنيازدىگىندەگى جانە ۆاتيكان مەملەكەتىندەگى ديپميسسياسىنىڭ باسشىسى مىندەتىن قوسا اتقارۋشى.

2016 -جىلعى ناۋرىز ايىنان بەرى ق ر سىرتقى ىستەر ءمينيسترىنىڭ ءبىرىنشى ورىنباسارى قىزمەتىن اتقارىپ كەلدى.