رونالدۋ سۇحباتى: بايلىعى، ۇزدىك گولى مەن اكەگە ساعىنىشى جايلى

None
None
نۇر- سۇلتان. قازاقپارات -  الەم تانيتىن ايگىلى سپورتشىنىڭ ءبىرى - كريشتيانۋ رونالدۋ. سوڭعى ۋاقىتتا باتىستىق باسىلىمدار پورتۋگالدىق فۋتبولشىدان العان سۇحباتتارىن جاريالاي باستادى.

اراسىنان ىرىكتەپ ءبىز دە جاريالاۋدى ءجون كوردىك.

 اكەم كورمەي كەتتى.. .

جەكسەنبى كۇنى رونالدۋ جۋرناليست پيرس مورگاننىڭ «قايىرلى تاڭ، بريتانيا» شوۋىنا قاتىستى. ءتۇرلى سۇراقتارعا جاۋاپ بەرىپ، ءوز ويىن ورتاعا سالدى. ال اكە تۋرالى ءسوز قوزعاعاندا كوزىنە جاس الدى. اسىرەسە جوزە اۆەيرۋدىڭ (اكەسى) دۇنيەدەن وزار شاعىندا نورۆەگ تەلەارناسىنا بەرگەن سۇحباتىن كورگەندە كوڭىلى بوسادى. اكەسى ۇلىمەن ماقتاناتىنىن ايتقاندا، ءتىپتى.. . - مەن مىنا ۆيدەونى ءالى كۇنگە دەيىن كورمەپپىن. ادام سەنگىسىز. مەن بۇگىنگى سۇحبات باسقاشا بولادى دەپ ويلاپ ەم، ءسىز مەنى جىلاتتىڭىز، - دەدى كريش.

 - كەشىرىڭىز، مەنىڭ ءنومىرى ءبىرىنشى بولىپ، جەتىستىككە جەتكەنىمدى اكەم كورمەي كەتتى... جەڭىسىمدى تويلاعان ءساتتى انام، اعام، ءتىپتى ۇلكەن ۇلىم دا كوردى. ءبىراق اكەم، ەشبىرىن كورمەدى، - دەپ ءسوزىن جالعادى. رونالدۋ اكەسى دۇنيەدەن وزعاندا 20 جاستا ەدى. قايعىلى حاباردى 2006 -جىلعى الەم چەمپيوناتىنا ىرىكتەۋ كەزەڭى اياسىنداعى رەسەي مەن پورتۋگاليا قۇرامالارى ويىنى كەزىندە ەستىدى. الاڭعا شىعىپ، ويىن سوڭىنان كوز جاسىنا ەرىك بەردى. 

بۇگىندە الەم تانىعان تۇلعانىڭ اكەسى ىشىمدىككە قۇمار بولدى. اقىرى اشى سۋ تۇبىنە جەتتى. سالىنىپ ءىشۋىنىڭ دە سەبەبى بارداي. جوزە اۆەيرۋ 1974 -جىلى اسكەر قاتارىندا انگولاداعى ازاماتتىق سوعىسقا بارعان. قيىن- كەسكى مايدانعا كىرمەسە دە، قارا قۇرلىقتا وتكىزگەن 13 ايى پسيحيكاسىنا ايتارلىقتاي اسەرىن تيگىزگەن.

- ءبىز ۋلانىپ قالامىز با دەپ قورقىپ جەرگىلىكتى جەردىڭ سۋىن ىشپەدىك. انگولالىقتاردىڭ «كۋكا» دەپ اتالاتىن سىراسىن ىشۋمەن بولدىق. جەتكىلىكتى دە بولدى، - دەيدى ESPN باسىلىمىنا بەرگەن سۇحباتىندا جوزە اۆەيرۋمەن بىرگە بارعان البەرتو ەسىمدى ازامات. جوزە اۆەيرۋ سول جاقتا جوزە اسكەردەن كەلگەننەن كەيىن ىشىمدىكتى تاستاي الماعان. «اسكەري سيندروم» بولدى. ال بيلىك ولارعا جاعداي جاساعان جوق. اسكەري زەينەتاقى، نە جۇمىس تا بەرمەدى. - انگولا دا ءتىرى قالۋ ءۇشىن كۇرەسۋ كەرەك بولدى. ەلگە كەلگەندە دە ءومىر ءۇشىن كۇرەس تۇردى. ءىشۋدى قويماي كەتكەندەر دە كوپ. اۆەيرۋعا دا وزگەرۋ ءۇشىن كۇش جەتپەدى، - دەيدى سوعىس ارداگەرى كوەلو.

 رونالدۋ بايلىققا كەنەلىپ، وتباسىنا كومەك قولىن سوزا باستاعاندا ءبارى كەش ەدى. جوزەنىڭ باۋىرى سىر بەردى. ىشىمدىك ءۇشىن ۇلىنىڭ جەيدەلەرىن دە ساتقان. جان سىرىمەن ءبولىسىپ سويلەسۋدەن قاشقان. فۋتبولشى ءۇشىن اكەسىنىڭ تاعدىرى زور ساباق بولدى. ىشىمدىك پەن شىلىم شەگۋدەن بويىن اۋلاق ۇستايدى. ءتىپتى دەنەسىنە تاتۋيروۆكا دا سالدىرمايدى. بوس ۋاقىتىنىڭ بارلىعىن وتباسىما مەن بالالارىنا ارناۋعا تىرىسادى. جۋىردا ويىنشى اكە پورترەتىنىڭ جانىنا وتباسىمەن بىرگە سۋرەتكە ءتۇسىپ، «ءسىز ءبىزدىڭ جۇرەگىمىزدەسىز، اكە» دەپ جازبا قالدىردى.

«التىن دوپ» سانى بويىنشا اسىپ تۇسسەم ...

فۋتبولشى ارگەنتينالىق ليونەل مەسسيمەن باسەكەلەستىگى جايلى دا سۇراقتارعا جاۋاپ بەردى. «التىن دوپ» سانى بويىنشا باسىپ وزسام دەيدى. - مەن مانسابىمدى التىن دوپ سانى بويىنشا رەكورد ورناتىپ بارىپ اياقتاعىم كەلەدى. جۇرەكتەگى ەڭ جوعارى قالاۋىم. بۇعان لايىقتىمىن دەپ ويلايمىن. مەسسي - عاجاپ ادام، مىقتى ويىنشى. التى، جەتى، سەگىز «التىن دوپ» الۋعا قاۋقارلى. ال مەن ودان دا كوپ الۋعا شامام جەتەدى، - دەدى رونالدۋ سۇقبات كەزىندە. 

ايتا كەتەيىك، قازىرگى تاڭدا ەكى ويىنشى دا 5 «التىن دوپتان» بار. 11 جاسىمدا «ماكدونالدستىڭ» تەگىن بۋرگەرىن جەپ ءجۇردىم ليسسابونداعى «سپورتينگ» اكادەمياسىندا وقىپ جۇرگەندە قارنى اشاتىنى جايلى، سونداي- اق سول ماڭداعى «ماكدونالدستا» جۇمىس جاسايتىن اپايلار كومەكتەسكەنى تۋرالى The Sun باسىلىمىنا بەرگەن سۇحباتىندا ايتا كەتەدى. 

فۋتبولشى سول ءبىر جانداردىڭ جاقسىلىعىن قايتارعىسى دا كەلەدى. 

- مەن 11-12 جاستاعى كەزىم. وتباسىمىزدا اقشا جوق. «سپورتينگ» كومانداسىنىڭ تاربيەلەنۋشىلەرىمەن بىرگە تۇردىم. ۇيدەگىلەردىڭ ءجۇزىن ءۇش ايدا ءبىر كورەتىنمىن. ماعان اۋىر بولدى. كەشكى ساعات 22:30- 23:00 كەزدەرىندە قارنىمىز اشاتىن. ستاديون ماڭىندا «ماكدونالدس» بولاتىن. بۋرگەر بار ما؟ - دەپ سۇرايتىنبىز. ەدنا ەسىمدى ايەل مەن بىرنەشە قىز جۇمىس جاسايتىن. ءبىراق كەيىن ولاردى قانشا سۇراستىرسام دا كەزدەستىرە المادىم. «ماكدونالدس» جابىلىپ قالعان. وسى سۇحبات ارقىلى ولاردى تاباتىن بولسام، ءبىر قۋانىش بولار ەدى. تۋرينگە نەمەسە ليسسابونعا بىرگە تاماقتانۋعا شاقىرار ەدىم. از دا بولسا سول ءبىر قارىزدارىمدى قايتارعىم كەلەدى، - دەيدى فۋتبولشى.

 ەسەپشوتىمداعى اقشا از ەمەس

 The Sun باسىلىمىنا بەرگەن سۇحباتى بارىسىندا بايلىعى مەن اۆتوكولىكتەرى جايلى دا ايتا كەتتى. 

- مەنىڭ بايلىعىم جارتى ميلليارد دەپ ويلايسىز با؟ ءيا، سونداي بولىپ قالۋ كەرەك. ءجۇز پايىز سەنىمدى تۇردە ايتا المايمىن، ءبىراق ەسەپشوتىمداعى اقشا از ەمەس. قانشا كولىگىم بار؟ 17 بولۋ كەرەك، شاماسى. ىشىندە «روللس رويسپەن» جۇرگەن ىڭعايلى وزىمە. ەكى- ەكىدەن «بۋگاتتي»، «فەرراري» جانە «ماكلارەنىم» با، - دەدى رونالدۋ. 

ۇزدىك گولىمدى «يۋۆەنتۋس» قاقپاسىنا سوققانمىن

كريشتيانۋ رونالدۋ 2018 -جىلدان باستاپ «يۋۆەنتۋستە» ويناپ كەلەدى. ال پيرس مورگانمەن سۇحبات كەزىندە ۇزدىك گولىن وسى تۋريندىك كوماندا قاقپاسىنا سوققانىن ايتا كەتتى. - مەن مۇنداي گول سوعۋدى قانشاما جىل ارماندادىم. 700 گە جۋىق گول سوقسام دا، مۇنداي گول سوقپاعانمىن. اقىرى اۋەلەي كەلگەن دوپتى باستان اسىرا تەۋىپ عاجاپ گول سوقتىم دەپ ويلادىم. ونى تاعى چەمپيوندار ليگاسىندا بۋففون قورعاعان يۋۆەنتۋس قاقپاسىنا سوعۋ دەگەن، عاجاپ قوي، - دەيدى ويىنشى.


Massaget.kz 


سوڭعى جاڭالىقتار