قىرىمبەك كوشەربايەۆ ق ر مەملەكەتتىك حاتشىسى بولىپ تاعايىندالدى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆتىڭ جارلىعىمەن قىرىمبەك كوشەربايەۆ قازاقستان رەسپۋبليكاسىنىڭ مەملەكەتتىك حاتشىسى بولىپ تاعايىندالدى. بۇل تۋرالى اقوردانىڭ باسپا ءسوز قىزمەتىنەن حابارلاندى.

ق. ە. كوشەربايەۆتى قازاقستان رەسپۋبليكاسىنىڭ مەملەكەتتىك حاتشىسى قىزمەتىنە تاعايىنداۋ تۋرالى قىرىمبەك ەلەۋ ۇلى كوشەربايەۆ قازاقستان رەسپۋبليكاسىنىڭ مەملەكەتتىك حاتشىسى بولىپ تاعايىندالسىن، ول قازاقستان رەسپۋبليكاسى پرەزيدەنتى اكىمشىلىگىنىڭ باسشىسى قىزمەتىنەن بوساتىلسىن.

قازاقستان رەسپۋبليكاسىنىڭ

پرەزيدەنتى ق. توقايەۆ

نۇر- سۇلتان، اقوردا، 2019 -جىلعى 18 - قىركۇيەك

№ 156

قىرىمبەك ەلەۋ ۇلى 1955 -جىلى 20 - مامىردا قىزىلوردا وبلىسىنىڭ قازالى قالاسىندا دۇنيەگە كەلگەن.

قازاق پوليتەحنيكالىق ينستيتۋتى (1978 ج. ) ، سوكپ وك جانىنداعى قوعامدىق عىلىمدار اكادەمياسى (1991 ج. ) بىتىرگەن.

1978-79 ج ج. - «گلاۆريسسوۆحوزستروي» پمك-112 ينجەنەرى، ءوندىرىستى دايىنداۋ توبىنىڭ باستىعى، كىزىلوردا ق. 1979-81 ج ج. - قىزىلوردا وبلىسىنىڭ كۇرىش ينجەنەرلىك جۇيەسىنىڭ - بۇكىلوداقتىق ەكپىندى كومسومولدىق قۇرىلىسىنىڭ شتاب باستىعى 1981-88 ج ج. - قازاقستان لكسم كومسومولدىق قىزمەتىن مەڭگەرۋدە 1988-91 ج ج. – س و ك پ و ك جانىنداعى قوعامدىق عىلىمدار اكادەمياسىنىڭ اسپيرانتى 1991 ج. - قازاقستان رەسپۋبليكاسى پرەزيدەنتى اپپاراتى مادەنيەت جانە ۇلتارالىق قاتىناستار رەفەرەنتۋراسىنىڭ رەفەرەنتى 1991-94 ج ج. - قازاقستان رەسپۋبليكاسى پرەمەر- ءمينيسترى ورىنباسارىنىڭ كومەكشىسى 1994-95 ج ج. - الماتى قالاسى كالينين اۋدانىنىڭ اكىمى 1995-96 ج ج. - قازاقستان رەسپۋبليكاسى مينيسترلەر كابينەتى اپپاراتى باسشىسىنىڭ ورىنباسارى - ىشكى ساياسات ءبولىمىنىڭ مەڭگەرۋشىسى؛ قازاقستان رەسپۋبليكاسى ۇكىمەتى اپپاراتى باسشىسىنىڭ ورىنباسارى - اۋماقتىق دامۋ ءبولىمىنىڭ مەڭگەرۋشىسى 1996-97 ج ج. - قازاقستان رەسپۋبليكاسى پرەزيدەنتىنىڭ باسپاءسوز حاتشىسى - باسپاءسوز قىزمەتىنىڭ جەتەكشىسى 1997-99 ج ج. - قازاقستان رەسپۋبليكاسىنىڭ ءبىلىم، مادەنيەت جانە دەنساۋلىق ساقتاۋ ءمينيسترى 1999 ج. - قازاقستان رەسپۋبليكاسىنىڭ دەنساۋلىق ساقتاۋ، ءبىلىم جانە سپورت ءمينيسترى 1999-2000 ج ج. - قازاقستان رەسپۋبليكاسىنىڭ ءبىلىم جانە عىلىم ءمينيسترى 2000-03 ج ج. - قازاقستان رەسپۋبليكاسى باتىس- قازاقستان وبلىسىنىڭ اكىمى 2003-06 ج ج. - قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى وكىلى، قازاقستان رەسپۋبليكاسىنىڭ فينليانديا رەسپۋبليكاسىنداعى توتەنشە جانە وكىلەتتى وكىلى (قوسىپ اتقاردى) ، قازاقستان رەسپۋبليكاسىنىڭ ارمەنيا رەسپۋبليكاسىنداعى توتەنشە جانە وكىلەتتى وكىلى (قوسىپ اتقاردى) 2006 ج - قازاقستان رەسپۋبليكاسى ماڭعىستاۋ وبلىسىنىڭ اكىمى 2012 -جىلدىڭ 13 - شىلدەسىندە قازاقستان رەسپۋبليكاسى پرەزيدەنتىنىڭ كەڭەسشىسى قىزمەتىنە تاعايىندالدى. 2012 -جىلدىڭ قىركۇيەگىندە قازاقستان رەسپۋبليكاسى پرەمەر- ءمينيسترىنىڭ ءبىرىنشى ورىنباسارى بولىپ تاعايىندالدى. 2013 -جىلدىڭ قاڭتارىندا قىزىلوردا وبلىسىنىڭ اكىمى بولىپ تاعايىندالدى.

2019 -جىلدىڭ 28 - ماۋسىمىندا پرەزيدەنت اكىمشىلىگىنىڭ باسشىسى بولىپ تاعايىندالدى .