ەلوردادا سپورتشىلارمەن عىلىمي جۇمىس جۇرگىزەتىن ۋنيۆەرسيتەت اشىلادى
«بىزدە الەمدىك دەڭگەيدەگى تاماشا سپورتشىلار بولعانىمەن، ولارمەن عىلىمي جۇمىس جۇرگىزىلمەيدى. ءاربىر بىرەگەي سپورتشىمەن عىلىمي جۇمىس جۇرگىزىلۋى ءتيىس. سوندىقتان دا ءبىز كوپتەن بەرى كادر وقىتۋ جانە دايىنداۋ، جەتەكشى سپورتشىلارمەن عىلىمي جۇمىس جۇرگىزۋ مۇمكىنشىلىگى بار مامانداندىرىلعان جوعارى وقۋ ورنىن قۇرۋدى ءوتىنىپ كەلەمىز»، - دەدى تيمۋر ق ۇلىبايەۆ ق ر ۇلتتىق وليمپيادا كوميتەتى باس اسسامبلەياسىنىڭ وتىرىسىندا.
ونىڭ اتاپ وتۋىنشە، بۇرىنىراقتا ءاربىر تالانتتى سپورتشىمەن مۇنداي عىلىمي جۇمىس جۇرگىزىلىپ كەلگەن.
«وسى جەردە ءبىزدىڭ وتكەن جىلدارداعى ۇلى سپورتشىلارمىز وتىر جانە ولاردىڭ ءارقايسىسى وسىنداي عىلىمي جۇمىستارعا قاتىسقان. ولاردىڭ ءارقايسىسى بويىنشا كانديداتتىق، دوكتورلىق جۇمىستار جازىلىپ، قورعالدى. بۇگىنگى كۇنى بىزدە مۇنداي جۇمىس جوق. ونى باستاپ، جاساۋىمىز قاجەت. ۋنيۆەرسيتەت بويىنشا ەل پرەزيدەنتىمەن، پرەمەر- مينيسترمەن سويلەستىك. ويتكەنى، شىنىمەن ۋنيۆەرسيتەت بىزگە وسى جەردە، ەلوردادا، وليمپيادالىق دايىندىق ورتالىق بازاسىندا قاجەت. ءبىز قاراجات ىزدەپ تابامىز، ءتىپتى مەملەكەتتىك- جەكەشەلىك سەرىكتەستىك جۇيەسى ارقىلى بولسا دا»، - دەدى ول.
اۆتور: مارلان جيەمباي