يراندا ىسىنە جاۋاپسىز دارىگەر جۇمىسىمەن بىرگە بوستاندىعىنان دا ايىرىلۋى مۇمكىن
ونىڭ كولەمى كەي كەزدەرى جۇزدەگەن مىڭ دوللاردى قۇراۋى مۇمكىن. يراندىقتار اق حالاتتىلارعا قاتاڭ باقىلاۋدى قولدايدى. ادامدار وپەراتسيالىق ۇستەلگە جاتپاس بۇرىن دارىگەرلەردىڭ بىلىكتىلىگىنە سەنىمدى بولۋدى قالايدى. سوندىقتان يراندا ەمدەلۋشىنىڭ قۇقىعىن قورعايتىن زاڭ ەرتەدەن بار. ىسىنە جاۋاپسىز دارىگەر جۇمىسىمەن بىرگە بوستاندىعىنان دا ايىرىلۋى مۇمكىن.
زاڭ كوبىنە ناۋقاستىڭ قۇقىعىن قورعاۋعا باعىتتالعان. ال دارىگەرلەر ءۇشىن مىندەتتى مەديتسينالىق ساقتاندىرۋ ەنگىزىلگەن. ول بويىنشا ساقتاندىرۋ كومپانياسى توتەنشە جاعداي بولسا شىعىننىڭ جارتىسىن وتەيدى.
پۋيان نازەريان، تەراپيەۆت:
- بۇل جۇرگىزۋشىنىڭ ساقتاندىرۋى سياقتى. ءار دارىگەردىڭ وسىنداي قاعازى بولۋى ءتيىس. مىسالى، مەن وعان جىلىنا 150 دوللار تولەيمىن. ەگەر ەمدەلۋشىمەن وقىس جاعداي بولسا، ساقتاندىرۋ كومپانياسى وعان ايىپپۇل تولەيدى. ەگەر ساقتاندىرۋ كومپانياسىنىڭ وتەماقىسى شىعىن كولەمىنەن از بولسا، ەمدەلۋشى ارنايى مەديتسينلىق كوميسسياعا شاعىمدانا الادى. قاتە جىبەرگەن دارىگەردىڭ ءىسى تەكسەرىلىپ، جاپا شەككەن ادامعا وتەماقى تولەنەدى. ەگەر ونىڭ قۇنى 100 مىڭ دوللاردان اسسا دارىگەر قالعان شىعىندى ءوزى جابادى.
فاتەمە زارە، دارىگەر:
- كەز كەلگەن دارىگەر ءۇشىن ەڭ ماڭىزدىسى رۇقسات قاعازى. قۇجاتىنان ايىرىلعان دارىگەر بەدەلىمەن بىرگە كوپ جىل بويى وقىعان ماماندىعىنان دا شەتتەتىلەدى. سوندىقتان يراندا مەديتسينا قىزمەتكەرلەرىنە قويىلاتىن تالاپ قاتاڭ.
يران ەمحانالارىندا سالعىرتتىق سيرەك كەزدەسەدى. ال ەگەر ەمدەۋ ادامنىڭ ولىمىمەن اياقتالسا دارىگەر ليسەنزياسىنان ايىرىلىپ قانا قويماي، 5 جىلعا دەيىن باس بوستاندىعىنانا ايىرىلۋى مۇمكىن.
www.24.kz