بيىل نۇرسۇلتان - پاۆلودار - سەمەي اۆتوجولىنىڭ ۋچاسكەلەرى پايدالانۋعا بەرىلەدى

نۇر-سۇلتان. قازاقپارات - بيىل نۇر- سۇلتان - پاۆلودار (161 شاقىرىم) جانە پاۆلودار - سەمەي (46 شاقىرىم) اۆتوجولىنىڭ جاڭارتىلعان 5 ۋچاسكەسىن پايدالانۋعا بەرۋ جوسپارلانۋدا.

بۇل تۋرالى «قازاۆتوجول» ۇ ك» ا ق باسپا ءسوز قىزمەتى ايتتى. ۋچاسكەلەردىڭ جالپى ۇزىندىعى 207 شاقىرىمدى قۇرايدى.

 «بۇگىندە ۇزىندىعى 166 شاقىرىمدىق نۇر- سۇلتان - پاۆلودار اۆتوكولىك جولىنداعى قۇرىلىس- مونتاج جۇمىستارى اياقتالۋعا جاقىن. جولاۋشىلار جول تابانىنىڭ تومەنگى جانە جوعارعى قاباتتارىن توسەپ، جول بەلگىلەرىن، قورشاۋلار مەن قاۋىپسىز قوزعالىسقا قاجەتتى وزگە دە جول ەلەمەنتتەرىن ورناتۋ جۇمىستارىن جالعاستىرۋدا»، - دەلىنگەن ۇلتتىق كومپانيانىڭ حابارلاماسىندا.

سونىمەن قاتار، پاۆلودار - سەمەي اۆتوجولىنىڭ ۇزىندىعى 46 شاقىرىم ۋچاسكەسىندەگى قايتا جاڭارتۋ جۇمىستارى اياقتالىپ كەلدى. اتالمىش ۋچاسكەلەردەگى قايتا جاڭارتۋ جۇمىستارى 2019 -جىلدا تولىق اياقتالادى دەپ جوسپارلانعان.