قازاقستاندا الداعى كۇندەرى كۇن ىسيدى

نۇر-سۇلتان. قازاقپارات - سينوپتيكتەر قازاقستاندا 19-21- قىركۇيەك كۇندەرى قانداي اۋا رايى بولاتىنىنا بولجام جاسادى، دەپ حابارلايدى قازاقپارات.

قازگيدرومەتتىڭ مالىمدەۋىنشە، يران ايماعىنان كەلە جاتقان جىلى اۋا ماسسالارى قازاقستاننىڭ وڭتۇستىك، ورتالىق جانە شىعىس وبلىستارىندا تەمپەراتۋرانىڭ جوعارىلاۋىنا سەبەپشى بولادى. اتالعان وڭىرلەردە الداعى ءۇش تاۋلىكتە جازداعىداي جىلى جانە جاۋىن-شاشىنسىز اۋا رايى بولادى، كۇندىزگى اۋا تەمپەراتۋراسى 23…30° گرادۋس، وڭتۇستىكتە پليۋس 30…35° گرادۋسقا دەيىن جوعارىلايدى.

رەسپۋبليكانىڭ باتىس جانە سولتۇستىك وبلىستارىندا اۋا تەمپەراتۋراسى تومەندەيدى، كەي جەرلەردە نايزاعاي جارقىلداپ جاڭبىر جاۋادى، كۇشتى جەل سوعىپ، بۇرشاق جاۋۋى ىقتيمال.