+7 (701) 759 90 19
10 °С : نۇر-سۇلتان
14 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

«ادام دەرتكە شالدىعادى»: پسيحولوگ جۇمىستاعى كۇيزەلىستىڭ نەسىمەن قاۋىپتى ەكەنىن ايتتى

18 قىركۇيەك 14:06
:ءبولىسۋ
«ادام دەرتكە شالدىعادى»: پسيحولوگ جۇمىستاعى كۇيزەلىستىڭ نەسىمەن قاۋىپتى ەكەنىن ايتتى

نۇر-سۇلتان. قازاقپارات - پسيحولوگيا بويىنشا ادامنىڭ سەگىز ءتيپى بار. مامان ولاردىڭ ءارقايسىسىنىڭ دەمالىسى دا ءار ءتۇرلى بولۋى كەرەك ەكەنىن ايتادى.

پسيحولوگ سەرىكگۇل ءسالى جۇمىستاعى سترەستىڭ نەدەن پايدا بولاتىنىن، ونى قالاي جەڭۋ قاجەت ەكەنىن، قازاقستاندىقتاردىڭ جۇمىستاعى سترەسپەن قالاي كۇرەسىپ جۇرگەنىن Sputnik قازاقستان تىلشىسىنە بەرگەن سۇقباتىندا ايتتى.

قالىپتى سترەسس

پسيحولوگتار جۇمىستا قىزمەتكەردىڭ سترەستە بولۋى ءجيى كەزدەسەتىن قۇبىلىس دەگەن پىكىردە. سەبەبى، باسشىنىڭ جاڭا تاپسىرما بەرۋى قىزمەتكەردىڭ فيزيكالىق جانە ينتەللەكتۋالدى قابىلەتىنە اسەر ەتەدى. سەرىكگۇل ءسالى جاڭا تاپسىرمانىڭ وڭ نەمەسە تەرىس اسەرى بولاتىن ايتادى. مىسالى، كەيبىر ادامدار تاپسىرمانى تەزىرەك ورىنداۋ ءۇشىن قابىلەتىن شىڭداپ، ەڭبەك ونىمدىلىگىن ارتتىرادى. ال كەيبىرى بۇل وزگەرىستى قيىن قابىلداۋى مۇمكىن.

«قاراپايىم تىلمەن ايتقاندا، ادامنىڭ پسيحيكاسى، ياعني ميىمىزدىڭ ءبىر بولىگى وزگەرىستى قالامايدى. ەگەر وزگەرىس بولسا، وعان مي قايتادان بەيىمدەلەدى. بۇل ادامعا سترەسس اكەلۋى مۇمكىن. الايدا ادامنىڭ ومىرىندە قوسىمشا وزگەرىستەر بولىپ جاتادى. مىسالى، باستىقتىڭ اۋىسۋى، جۇمىس ورنىنىڭ باسقا جەرگە كوشۋى دە كەيبىر ادام ءۇشىن سترەسس. ءبىراق بۇل ومىردەگى قالىپتى جاعداي»، - دەيدى سەرىكگۇل ءسالى.

سوزىلمالى سترەسس

مامان كەيبىر ادامدار ماماندىعىن دۇرىس تاڭداماعاندىقتان، سوزىلمالى كۇيزەلىسكە شالدىعاتىنىن جەتكىزدى.

«جۇمىستاعى سترەستىڭ ءبىر بولىگى ادام ءوزىنىڭ ماماندىعىن دۇرىس تاڭداماعاندىقتان تۋىندايدى. بۇل جاعداي ۇنەمى قايتالانىپ وتىرادى. ويتكەنى، ادامنىڭ ىستەگەن جۇمىسىنا كوڭىلى تولمايدى، ءارى جۇمىسقا دەگەن قىزىعۋشىلىق بولمايدى. سالدارىنان سوزىلمالى سترەسس پايدا بولادى»، - دەيدى ول.

ۇزاق ۋاقىت كۇيزەلىستە ءجۇرۋ نەسىمەن قاۋىپتى

پسيحولوگ ادامنىڭ ۇزاق ۋاقىت كۇيزەلىستە ءجۇرۋى دەنساۋلىعىنا كەرى اسەرىن تيگىزەتىنىن اتاپ ءوتتى. ونىڭ پىكىرىنشە، قىزمەتكەر سترەستى جەڭە الماسا، ماماننىڭ كومەگىنە جۇگىنۋى كەرەك.

«سوزىلمالى سترەسس ادامنىڭ اعزاسىنا ءقاۋىپتى. سەبەبى، ۇزاق ۋاقىت كۇيزەلىستە ءجۇرۋ ادامنىڭ دەنساۋلىعىنا كەرى اسەرىن تيگىزەدى. سالدارىنان ادام اۋرۋعا شالدىعادى»، - دەيدى سەرىكگۇل ءسالى.

پسيحولوگ ادامدار جانى قالاعان جۇمىستى ەمەس، تابىسى مول ءىستى تاڭداۋعا اۋەس ەكەنىن ايتادى

ول وسىنداي جاعدايلار بولماس ءۇشىن ادام بولاشاق ماماندىعىن ويلانىپ تاڭداۋى قاجەتتىگىن ايتادى. سەبەبى، ادام سۇيىكتى كاسىبىمەن شۇعىلدانسا، قيىندىقتارعا شىدايدى، ءارى قوعامنىڭ دامۋىنا ءوز ۇلەسىن قوسادى. الايدا ماماندى قوعامدا جەڭىل جولمەن اقشا تابۋ تۇسىنىگى باسىم ەكەنى قىنجىلتادى.

«ادامدار كوپ اقشا تاپقىسى كەلەدى. بۇل بارلىق ادامعا ءتان، الەۋمەتتىك پسيحولوگيا. الايدا كەيبىر ادامدار ءبىلىم الماي، ماماندىق يەسى بولماي، جەڭىل جولمەن اقشا تاپقىسى كەلەدى. ءبىر سالادا جەتىستىككە جەتۋ ءۇشىن، جاعدايىڭدى جاساۋ ءۇشىن ءبىلىم الىپ، ماماندىق يەسى اتانىپ، ءبىلىمىڭ مەن قابىلەتىڭدى شىڭداۋ كەرەك. الايدا كەيبىر ادامدار قاي جەردە اقشا بار، سول سالانى تاڭدايدى»، - دەيدى ول.

جۇمىستاعى كۇيزەلىس ەلىمىزدە زەرتتەلمەگەن

پسيحولوگ ءوز تاجىريبەسىندە قانداي ىسپەن شۇعىلداعىسى كەلەتىنىن بىلمەي جۇرگەن ادامعا كومەكتەسكەنىن ايتادى. ول قازاقستاندىقتاردىڭ جۇمىستاعى كۇيزەلىسى ەلىمىزدە عىلىمي تۇردە زەرتتەلمەگەنىن جەتكىزدى. سەرىكگۇل ءسالى تۇرعىنداردىڭ جۇمىستاعى كۇيزەلىستى قالاي جەڭىپ جۇرگەنىنە توقتالدى.

«جۇمىستان كەيىن ءدامحاناعا، مەيرامحاناعا، كلۋبقا بارىپ، ىشىمدىك ءىشۋ - سترەسس شىعارۋدىڭ جەڭىل جولى. بۇل جاعىمسىز ادەت ادامنىڭ ىشكى جان دۇنيەسىن بايىتا المايدى. ەرتەڭىندە مۇنداي «دەمالىستىڭ» قۇندىلىعى سەزىلمەيدى»، - دەيدى ول.

قالاي دەمالۋ كەرەك

مامان ادامنىڭ سەگىز پسيحولوگيالىق ءتيپى بولاتىنىن اتاپ ءوتتى. ول ءار ادام قالاي دەمالاتىنىن ءوزى بىلەدى دەپ وتىر.

«پسيحولوگيا بويىنشا ادامنىڭ 8 ءتيپى بار. ءار ادام ءارقالاي دەمالعاندى ۇناتادى. وزىڭىزگە دەمالىستىڭ قانداي ءتۇرى جاعاتىنىن ءبىلۋ كەرەك. بۇل - زامان تالابى، ءارى ادام ءوزىن-ءوزى تانۋعا مۇمكىندىك الادى»، - دەدى پسيحولوگ.

سەرىكگۇل ءسالى جۇمىستا كۇيزەلىستى بولدىرماۋ ءۇشىن ەڭبەك دەمالىسىنا ۋاقىتىندا شىعۋعا، ادامدارمەن ءجيى سويلەسىپ تۇرۋعا، جاڭا دۇنيەلەردى ۇيرەنۋگە، ساياحاتتاۋعا كەڭەس بەردى.

«ۋاقىتىندا دەمالۋ كەرەك. ادامدارمەن قارىم-قاتىناس ورناتقان ءجون. ءبىر نارسە قايتالانا بەرسە، ادام جالىعىپ كەتەدى عوي. سوندىقتان دەمالعان ۋاقىتتا ساياحاتتاپ، باسقا سالاداعى ادامدارمەن ارالاسۋى قاجەت»، - دەيدى مامان.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات