نۇر-سۇلتان اكىمدىگى زەينەتكەرلەرگە اقشالاي سىيلىق جاسايدى

نۇر-سۇلتان. قازاقپارات – 1- قازان كۇنى قازاقستاندا قارتتار كۇنى مەرەكەسى تويلانادى. ەلوردا اكىمدىگى جىل سايىنعى ءداستۇر بويىنشا زەينەتكەرلەرگە بىررەتتىك اقشالاي تولەم بەرەدى، دەپ حابارلايدى قازاقپارات.

قالا اكىمدىگىنەن ءمالىم ەتكەندەي، بيىلعى جىلى بۇل سوما 6313 تەڭگەنى قۇرايدى.

«نۇر-سۇلتان قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسى 25- قىركۇيەكتەن باستاپ 1- قازانعا دەيىن 2,5 ايلىق ەسەپتىك كورسەتكىش - 6313 تەڭگە كولەمىندە تولەم تولەيدى. اتالعان تولەم جاسىنا بايلانىستى زەينەتكە (ايەلدەر ءۇشىن زەينەت جاسى- 58، ەرلەر ءۇشىن - 63 جاس) شىققاندارعا ەسەپتەلگەن. بۇعان دەيىن بۇل كومەك ەڭ تومەن مولشەردەگى زەينەتاقى الۋشىلارعا 30- تامىز ق ر كونستيتۋتسياسى كۇنىنە وراي كورسەتىلگەن بولاتىن»، - دەدى ۆەدومستۆودان.

اتاپ وتىلگەندەي، بىررەتتىك تولەم الفا- بانك، ا ت ف بانك، سەنتركرەديت بانكى، ەۋرازيالىق بانك، J‎san Bank (سەسنا بانك)، Halyk Bank (حالىق بانك)، نۇربانك، سبەربانك، ForteBank جانە قازپوشتاداعى ەسەپشوتتارعا جىبەرىلەدى. اتالعان مەكەمەلەردە ەسەپشوتتارى جوق زەينەتكەرلەر ونى اشىپ، شوت اشۋ تۋرالى 20 تاڭبالى انىقتامانى دوستىك كوشەسى، 13 («نۇرسايا 2» ت ك) مەكەن جايى بويىنشا تاپسىرۋلارى قاجەت. انىقتاما ءۇشىن تەلەفوندار: «الماتى» اۋدانىنىڭ الەۋمەتتىك تولەمدەردى تاعايىنداۋ ءبولىمى 55-68-22؛ «ەسىل» اۋدانىنىڭ الەۋمەتتىك تولەمدەردى تاعايىنداۋ ءبولىمى 55-68-34؛ «سارىارقا» ، «بايقوڭىر» اۋدانىنىڭ الەۋمەتتىك تولەمدەردى تاعايىنداۋ ءبولىمى 55-68-45.