+7 (701) 759 90 19
5 °С : نۇر-سۇلتان
7 °С : الماتى
USD 389.81 EUR 430.27
RUB 6.06 CNY 54.91
جاڭالىقتار

داريعا نازاربايەۆا: الەمدىك كونفەسسيالار باسشىلارىنىڭ ەلوردادا كەزدەسۋى داستۇرگە اينالدى

18 قىركۇيەك 11:07
:ءبولىسۋ
داريعا نازاربايەۆا: الەمدىك كونفەسسيالار باسشىلارىنىڭ ەلوردادا كەزدەسۋى داستۇرگە اينالدى

نۇر-سۇلتان. قازاقپارات - ەلوردادا الەمدىك جانە ءداستۇرلى دىندەر ليدەرلەرى سەزى XVIII حاتشىلىعىنىڭ وتىرىسى ءوتىپ جاتىر.

وتىرىسقا ق ر پارلامەنتى سەناتىنىڭ ءتوراعاسى - الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ باسشىسى داريعا نازاربايەۆا ءتوراعالىق ەتۋدە، دەپ حابارلايدى قازاقپارات ءتىلشىسى.

«وسى كۇندەرى الەمدىك جانە ءداستۇرلى دىندەر ليدەرلەرىنىڭ ءبىرىنشى سەزى وتكەن كەزدەن بەرى 16 جىل ءوتىپ وتىر. سول ساتتە قوناقجاي قازاق جەرى العاش رەت بەيبىتشىل، دوستىق پەيىلدى جانە جەمىستى كونفەسسياارالىق ديالوگتى جۇرگىزۋ ءۇشىن اشىق الاڭعا اينالعان بولاتىن. ق ر تۇڭعىش پرەزيدەنتى - ەلباسى نۇرسۇلتان نازاربايەۆ الەمدىك جانە ءداستۇرلى دىندەر ليدەرلەرىنىڭ سەزىن وتكىزۋ يدەياسىنىڭ اۆتورى بولدى. وتكەن جىلدارى قازاقستاننىڭ وراسان زور يادرولىق قارۋ ارسەنالىنان باس تارتۋىنا باستاماشى بولعان، بۇكىل الەم مويىنداعان بىتىمگەر، تاۋەلسىزدىك جىلدارى ىشىندە وڭىرلىك قاۋىپسىزدىك پەن تۇراقتىلىقتىڭ تىرەگىنە اينالعان ەلدىڭ باسشىسى نۇرسۇلتان نازاربايەۆتىڭ باستاماسىن ەڭ ءىرى الەمدىك دىندەر مەن كونفەسسيالاردىڭ باسشىلارى قولدادى»، - دەدى وتىرىستى اشقان سەنات سپيكەرى.

سونىمەن قاتار، ول ەلباسىنىڭ كونفەسسياارالىق ديالوگ وتكىزۋ تۋرالى يدەياسىن سول ساتتە بارشا الەم قىزۋ قولداعانىن ەسكە سالدى.

«سودان بەرى قازاقستاننىڭ تۇڭعىش پرەزيدەنتىنىڭ ستراتەگيالىق سالماقتى ءارى كورگەن باستاماسى ءوزىنىڭ وزەكتىلىگىن جوعالتقان ەمەس. جاڭا مىڭجىلدىق باسىندا ەڭ جوعارى دەڭگەيدە كونفەسسياارالىق اشىق ديالوگ وتكىزۋ ناعىز ريەۆوليۋتسيالىق ءىس ەدى. ال بۇگىنگى كۇنى ءىرى الەمدىك كونفەسسيالار باسشىلارىنىڭ ەۋرازيا كىندىگىندە كەزدەسۋى ىزگى داستۇرگە اينالدى»، - دەدى داريعا نازاربايەۆا.

ايتا كەتەيىك، بۇگىنگى وتىرىستا الەمدىك جانە ءداستۇرلى دىندەر ليدەرلەرىنىڭ VI سەز قورىتىندىلارى مەن حاتشىلىق قىزمەتىنىڭ كەلەشەگى تۋرالى پىكىر الماسىلادى. سودان كەيىن 2021-جىلعى الەمدىك جانە ءداستۇرلى دىندەر ليدەرلەرىنىڭ VII سەزىن وتكىزۋ بويىنشا ۇسىنىستار تالقىلانادى.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات