+7 (701) 759 90 19
-5 °С : نۇر-سۇلتان
0 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

شەكاراداعى جانجالعا بايلانىستى تاجىكستان مەن قىرعىزستان ءبىر-بىرىنە نوتا جولدادى

18 قىركۇيەك 13:16
:ءبولىسۋ
شەكاراداعى جانجالعا بايلانىستى تاجىكستان مەن قىرعىزستان ءبىر-بىرىنە نوتا جولدادى

نۇر-سۇلتان. قازاقپارات - تاجىكستاننىڭ سىرتقى ىستەر مينيسترلىگى قىرعىز-تاجىك شەكاراسىنداعى جانجالعا بايلانىستى قىرعىزستانعا قارسىلىق نوتاسىن جولدادى.

16- قىركۇيەكتە ەكى ەل اراسىنداعى شەكارا اۋماعىندا بولعان جانجالدان ءتورت ادام قازا تاپقان ەدى.

تاجىكستاننىڭ سىرتقى ىستەر مينيسترلىگىنىڭ حابارلاۋىنشا، 17- قىركۇيەكتە ۆەدومستۆوعا تاجىكستانداعى قىرعىزستاننىڭ ۋاقىتشا سەنىمدى وكىلى شاقىرىلعان. تاجىك تارابى «بۇعان دەيىن جاسالعان كەلىسىمگە قاراماستان تاجىكستان مەن قىرعىزستان اراسىنداعى شەكارانىڭ ايقىندالماعان بولىگىندە قۇرىلىس جۇمىستارىن جۇرگىزگەن» قىرعىز تارابىنىڭ ارەكەتىن ايىپتاعان.

تاجىكستان مينيسترلىگى قىرعىز جاعىن «وقيعا ورنىنا 250-300 اسكەري اپارىپ، باحور اۋىلىنىڭ بەيبىت تۇرعىندارىنا اسكەري قارۋ قولداندى» دەپ سوككەن. بەيبىت تۇرعىنداردىڭ قاۋىپسىزدىگىن قورعاۋعا تىرىسقان تاجىكستاننىڭ شەكاراشىلارىنا وق اتىپ، «جاۋاپ بەرۋگە» ماجبۇرلەگەن.

«قىرعىز اسكەريلەرىنىڭ ارانداتۋ ارەكەتىنىڭ سالدارىنان ءۇش تاجىك ساربازى قازا تاپتى، بەيبىت تۇرعىندار ءتۇرلى دارەجەدە جاراقات الدى، زارداپ شەككەندەر اراسىندا ايەلدەر مەن بالالار بار» دەلىنگەن تاجىكستاننىڭ س ءى م مالىمدەمەسىندە.

ءدال وسىنىڭ الدىندا 17- قىركۇيەكتە قىرعىزستانداعى تاجىكستان ەلشىسى سۋحروب حوجا وليمزودانى قىرعىزستاننىڭ س ءى م شاقىرعان. مينيسترلىكتىڭ باسپا ءسوز قىزمەتىنىڭ حابارلاۋىنشا، ءمينيستردىڭ ورىنباسارى نۋران نيازاليەۆ وعان قارسىلىق نوتاسىن تاپسىرعان.

قىرعىزستاننىڭ س ءى م «قىرعىز-تاجىك شەكاراسىنداعى ايقىندالماعان بولىكتە تاجىك جاعى قارسى تاراپپەن كەلىسپەي، اسكەري باقىلاۋ پۋنكتىن سالا باستادى، سونىڭ سالدارىنان جانجال شىقتى» دەپ تاجىك اسكەريلەرىن كىنالاعان.

16- قىركۇيەكتە قىرعىز-تاجىك شەكاراسىندا اتىس بولىپ، ءتورت ادام: ءۇش تاجىك شەكاراشىسى جانە ءبىر قىرعىز ازاماتى قازا تاپقان. بۇعان قوسا، قىرعىزستان جاعىنان 13 تۇرعىن جارالانعان. ون ادام بىشكەك اۋرۋحاناسىنا جەتكىزىلدى. قالعان ءۇش ادام باتكەن وبلىسىندا ەمدەلىپ جاتىر. تاجىكستان جاعى زارداپ شەككەندەر سانىنا بايلانىستى ازىرگە تولىق اقپارات بەرمەدى.

قىرعىز- تاجىك شەكاراسىنىڭ جالپى ۇزىندىعى 976 شاقىرىم. قازىرگە دەيىن 504 كيلومەترىنە بايلانىستى دەليميتاتسيا جانە دەماركاتسيا جۇمىستارى جۇرگىزىلگەن. ال شەكارانىڭ كەلىسىلمەگەن تۇستارى سونداعى ەلدى مەكەندەردەگى سۋ، جەر جانە ءالى انىقتالماعان شەكارانى كەسىپ ءوتۋ ماسەلەلەرى داۋعا ءجيى سەبەپ بولادى. داۋدىڭ سوڭى جانجالعا ۇلاسىپ، تاراپتار ءبىر-بىرىنە تاس اتادى، كەيدە قارۋدان وق اتادى.

«ازاتتىق»



باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات