+7 (701) 759 90 19
10 °С : نۇر-سۇلتان
14 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

ايەل جۇرگىزۋشىلەرگە ورتالىق كوشەمەن جۇرۋگە تىيىم سالىنىپ جاتىر

18 قىركۇيەك 11:23
:ءبولىسۋ
ايەل جۇرگىزۋشىلەرگە ورتالىق كوشەمەن جۇرۋگە تىيىم سالىنىپ جاتىر

نۇر-سۇلتان. قازاقپارات - اشحابادتا جول پوليتسياسى قالا ورتالىعىنداعى تۇركىمەنباسى داڭعىلىمەن كەتىپ بارا جاتقان ايەل جۇرگىزۋشىلەردى ۇستاپ، بولىمشەگە جەتكىزىپ، ولاردىڭ كۋالىگىپ الىپ قويىپ جاتىر.

بۇل تۋرالى ازاتتىقتىڭ تۇركىمەن قىزمەتى حابارلادى.

«پرەزيدەنت سارايى مەن وليمپيادا قالاشىعىنىڭ باس عيماراتتارى تۇرعان ورتالىق ماگيسترالدان ءجۇرىپ وتكەن ايەلدەردى پوليتسيا جاپپاي ۇستاي باستادى. ايەلدەردى توقتاتادى دا، كولىكتەرى مەن جۇرگىزۋشى كۋالىكتەرىن الىپ قويىپ، مەملەكەتتىك اۆتوينسپەكتسيانىڭ (گاي) ورتالىق كەڭسەسىنە جەتكىزەدى. مۇنى تۇرعىندار «اپارىپ تاستاۋ» دەپ اتايدى» دەيدى ازاتتىقتىڭ اشحابادتاعى ءتىلشىسى.

جۋرناليستىڭ ايتۋىنشا، پوليتسيا تۇركىمەنباسى داڭعىلىندا توقتاتا الماعان جۇرگىزۋشىلەردى قۋىپ، باسقا كوشەلەردە ۇستاپ الادى. «كەيبىر پوليتسەيلەر ايەلدەرگە «لەنين كوشەسىمەن (تۇركىمەنباسى داڭعىلى - رەد.) جۇرمەڭىز، ايتپەسە «[بولىمشەگە] اپارىپ تاستايمىز» دەپ ەسكەرتەدى» دەيدى ازاتتىق ءتىلشىسى.

جول پوليتسياسىنا سىلتەگەن جۋرناليست ايەلدەرگە تۇركىمەنباسى كوشەسىمەن جۇرۋگە تىيىم قىركۇيەكتە كۇشىنە ەنگەنىن ايتادى. «ايەلدەردىڭ كوبى بۇل تۋرالى ۇستالعاندا ءبىر-اق ءبىلىپ جاتادى» دەيدى ول.

پوليتسيا بۇل تىيىم تۋرالى جۋرناليسكە كوممەنتاري بەرمەدى.

بيىلدان بەرى تۇركىمەنستاندا ايەلدەر وزدەرىنىڭ جۇرگىزۋشى كۋالىگىن پوليتسيا الىپ قوياتىنىن نە مەرزىمى وتكەندە جاڭا كۋالىك جاساتپاي جاتقانىن ايتىپ شاعىمدانعان. تۇركىمەنستان زاڭىندا «ايەل مەن ەر قۇقىعى تەڭ» دەپ جازىلعان.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات