پۋتين مۇناي الپاۋىتتارىن قۇران سوزىنەن ساباق الۋعا شاقىردى

None
None
نۇر-سۇلتان. قازاقپارات - رەسەي باسشىسى ۆلاديمير پۋتين ساۋد ارابياسىنداعى مۇناي نىساندارىنا جاسالعان شابۋىل تۋرالى سۇراققا قۇران سوزىمەن جاۋاپ بەردى.

«تۇركيادا جۇرگەندە مەن قاسيەتتى قۇراننىڭ «اللانىڭ مەيىرىمدىلىگىن ەسىڭە ال. ءبىر كەزدە جاۋ بولدىڭ، اللا سەنىڭ جۇرەكتەرىڭدى تاتۋلاستىرىپ، باۋىر قىلدى» دەگەن جولداردى ەسكە تۇسىرمەۋ مۇمكىن ەمەس. مەنىڭشە، ءبىز وسىدان باستاۋىمىز كەرەك»، - دەدى ول تۇركيا پرەزيدەنتى تايىپ ەردوعانمەن جانە يران پرەزيدەنتى حاسان رۋحانيمەن كەزدەسۋدەن كەيىن. رەسەي باسشىسى سامميتتە ساۋد ارابياسىنىڭ مۇناي وڭدەۋ زاۋىتتارىنا جاسالعان شابۋىل تالقىلانباعانىن اتاپ ءوتتى، ءبىراق رەسەيدىڭ بۇل ماسەلەدەگى ۇستانىمى بەلگىلى.

ونىڭ ايتۋىنشا، بۇل داعدارىستى شەشۋدىڭ ەڭ جاقسى ءتاسىلى - بۇل جانجالعا قاتىسقان بارلىق تاراپتاردىڭ كەلىسىمى.

14 -قىركۇيەك كۇنى تاڭەرتەڭ ساۋد ارابياسىنىڭ ۇلتتىق مۇناي كومپانياسىنىڭ اۋماعىندا ءورت بولدى. رەسمي اقپاراتقا سايكەس، ءورت ادامسىز ۇشۋ اپپاراتتارىنىڭ شابۋىلى ناتيجەسىندە باستالعان. شابۋىل ءۇشىن جاۋاپكەرشىلىكتى حۋسيتتىك يەمەندىك كوتەرىلىسشىلەر ءوز موينىنا الدى. كەيىنىرەك امەريكا قۇراما شتاتى يراندى «الەمدىك قۋات كوزدەرىنە شابۋىل جاسادى» دەپ ايىپتاپ، الەمدىك قاۋىمداستىقتى اگرەسسيانى ايىپتاۋعا جانە يراندى جاۋاپكەرشىلىككە تارتۋ ءۇشىن بارلىعىن جاساۋعا شاقىردى.

ا ق ش سەناتورى ليندسي گرەم يراننىڭ مۇناي وڭدەۋ زاۋىتتارىنا شابۋىل جاساۋدى ۇسىندى. 

سوڭعى جاڭالىقتار