ديقاندارعا جەڭىلدىكپەن قانشا ديزەل بەرىلەدى

نۇر-سۇلتان. قازاقپارات – ق ر ەنەرگەتيكا ۆيتسە-ءمينيسترى اسەت ماعاۋوۆ كۇزگى استىق جيناۋ جۇمىستارى ءۇشىن شارۋالارعا جەڭىلدىكپەن ديزەل بەرۋ جۇمىستارى جونىندە باياندادى، دەپ حابارلايدى قازاقپارات ءتىلشىسى.

ق ر اۋىل شارۋاشىلىعى مينيسترلىگى جىل سايىن وبلىس اكىمدىكتەرىمەن بىرلەسىپ، ديقاندارعا قاجەتتى مۇناي ونىمدەرىنىڭ كولەمىن انىقتاپ، ق ر ەنەرگەتيكا مينيسترلىگىنە كوكتەمگى جانە كۇزگى ەگىن جۇمىستارىنا ديزەلدىك وتىن جەتكىزۋ كولەمى تۋرالى ۇسىنىس ەنگىزەدى.

«كۇزگى ەگىستىك جۇمىستارىنا اۋىل شارۋاشىلىعى تاۋارلارىن وندىرۋشىلەرگە جەڭىلدىكپەن ساتىلاتىن 395 مىڭ توننا ديزەل ءبولىندى. 2019 -جىلدىڭ 16 -قىركۇيەگىندەگى جاعداي بويىنشا، جوسپارلانعان ديزەلدىڭ %65,4 نەمەسە 258,3 مىڭ تونناسى تاراتىلدى. 2019 -جىلعى كوكتەمگى ەگىس جۇمىستارىندا ديزەل وتىنىنىڭ ءبىر تونناسىن 193 مىڭ تەڭگەگە بەرۋ ۇسىنىلدى، كۇزگى ەگىن جيناۋ جۇمىستارىندا ديقاندار ءۇشىن ديزەل باعاسى - 198 مىڭ تەڭگە/توننانى قۇرادى. ق ر ەنەرگەتيكا مينيسترلىگىندە اۋىلشارۋاشىلىعى تاۋارىن ءوندىرۋشى ءۇشىن ديزەل وتىنىنىڭ ارزانداتىلعان باعاسىن زاڭنامالىق بەكىتۋ قۇزىرەتى جوق»، - دەدى.

بيىلعى 11 -قىركۇيەكتەگى جاعدايعا سايكەس اتىراۋ مۇناي وڭدەۋ زاۋىتىنداعى ءبىر توننا وتىننىڭ كوتەرمە باعاسى - 213096 تەڭگە، شىمكەنت زاۋىتىندا - 212127 تەڭگە جانە پاۆلودار مۇناي وڭدەۋ زاۋىتىندا - 216005 تەڭگە. يمپورتقا تاۋار شىعارىلمايدى.

«مۇناي وڭدەۋ زاۋىتتارىنداعى ديزەلدى وتىن اۋىل شارۋاشىلىعى تاۋارلارىن وندىرۋشىلەرگە باسىمدىق نەگىزىندە تاراتىلادى. تاۋلىك سايىن وتىن تيەۋ جۇمىستارى قاداعالانادى»، - دەدى ۆيتسە-مينيستر.

اقپان ايىندا ق ر ەنەرگەتيكا ءمينيسترى قانات بوزىمبايەۆ ىشكى نارىقتىڭ %100 وتاندىق مۇناي ونىمدەرىمەن قامتىلاتىنىن ايتقان ەدى.

اۆتور: ايجان سەرىكجان قىزى