بوكستان الەم چەمپيوناتى: قازاقستاندىق جەتى بوكسشى شيرەك فينالعا شىقتى

نۇر-سۇلتان. قازاقپارات - بۇگىن رەسەيدىڭ ەكاتەرينبۋرگ قالاسىندا ءوتىپ جاتقان بوكستان الەم چەمپيوناتىندا شارشى الاڭعا شىققان قازاقستاندىق جەتى بوكسشىنىڭ التاۋى جارىستى جالعاستىراتىن بولدى، دەپ حابارلايدى قازاقپارات ءتىلشىسى.

بۇعان دەيىن ءتورت بوكسشىمىزدىڭ كورسەتكەن ويىنى جايىندا حابارلاعان ەدىك.

كەلەسى كەزەكتە قازاقستاندىق بوكسشى ابىلايحان ءجۇسىپوۆ بۇگىن 69 كەلى سالماقتا نيك بيردەن باسىم ءتۇستى. بۇدان بۇرىن ول 2015-جىلعى الەم چەمپيوناتىنىڭ قولا جۇلدەگەرى جانە ازيا چەمپيونى تايلاندتىق ۆۋتتيچاي ماسۋكتى ورتا جولدا قالدىرىپ كەتتى.

تاعى ءبىر بوكسشىمىز بەكزات نۇرداۋلەتوۆ تە (81 كەلى) جارىستى جالعاستىرۋعا مۇمكىندىك الدى. ول بۇگىن برازيليالىق كەنو ماچادونى ءسۇرىندىردى.

ال 91 كەلىدەن جوعارى سالماقتا سىنعا تۇسكەن قامشىبەك قوڭقابايەۆ يسپانيادان كەلگەن ايۋب گادفانى جەڭىپ، جارىستىڭ 1/4 فينالىنا جولداما الدى.

سونداي-اق، جارىستىڭ 1/4 فينالدىق ساتىسىنا ساكەن بيبوسىنوۆ (53 كەلى)، قايرات ەراليەۆ (57 كەلى)، تۇرسىنباي قۇلاحمەت (75 كەلى) جانە ۆاسيلي لەۆيت (91 كەلى) جولداما العان ەدى. ال زاكير سافيۋللين (63 كەلى) جارىس جولىنان شىعىپ قالدى.