+7 (701) 759 90 19
-5 °С : نۇر-سۇلتان
0 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

قاراعاندىدا حالىقارالىق ايتىس قارساڭىندا «ساكەن» كىتابىنىڭ تۇساۋى كەسىلدى

18 قىركۇيەك 07:55
:ءبولىسۋ
قاراعاندىدا حالىقارالىق ايتىس قارساڭىندا «ساكەن» كىتابىنىڭ تۇساۋى كەسىلدى

نۇر-سۇلتان. قازاقپارات - قاراعاندىدا ساكەن سەيفۋلليننىڭ 125 جىلدىعىنا ارنالعان حالىقارالىق ايتىس قارساڭىندا ۇلى اقىن، جازۋشى، قوعام جانە مەملەكەت قايراتكەرى تۋرالى كىتاپتىڭ تۇساۋكەسەرى ءوتتى.

ەلوردادا جارىق كورگەن باسىلىمنىڭ اۆتورى – ق ر ەڭبەك سىڭىرگەن قايراتكەرى، اقىن امانجول التايەۆ.

«مەن ساكەن اعاعا ارنالعان كىتاپتى بۇرىننان شىعارعىم كەلگەن. اقىرىندا وسى ويىمنىڭ ءساتى ءتۇستى. «ساكەن» كىتابى قاراعاندى وبلىسى اكىمدىگىنىڭ قولداۋىمەن ۇلى اقىن جانە جازۋشىمىزدىڭ مەرەيتويىنا 1000 دانا تارالىممەن جارىق كوردى. باسىلىم ءۇش بولىمنەن تۇرادى. ءبىرىنشى بولىمدە ساكەن سەيفۋللين تۋرالى ماقالالار مەن عىلىمي ماتەريالدار بار. ءارى قاراي بەلگىلى جانە جاس اۆتورلاردىڭ ساكەن تۋرالى ولەڭدەرى بار. ءۇشىنشى بولىمدە ساكەن سەيفۋلليننىڭ شىعارمالارى ۇسىنىلعان. تيراجدىڭ ءبىر بولىگى كىتاپحانالارعا تۇسەدى»، - دەدى امانجول التايەۆ باسپا ءسوز ءماسليحاتىندا.

حالىقارالىق ايتىس قاراعاندى وبلىسى اكىمدىگى مەن Nur Otan پارتياسىنىڭ قولداۋىمەن «رۋحاني جاڭعىرۋ» باعدارلاماسى اياسىندا وتكىزىلەدى. ول 18- قىركۇيەكتە س. سەيفۋللين اتىنداعى وبلىستىق قازاق دراما تەاترىنىڭ ساحناسىندا باستالادى. قازاقستان، قىرعىزستان، موڭعوليا جانە قىتايدان كەلگەن 18 اقىن ساحنا تورىندە ءوزارا باق سىنايدى.

ۇيىمداستىرۋشىلار وتە مىقتى اقىندار جينالعانىن، قاتىسۋشىلار اراسىندا جاس تالانتتار بار ەكەنىن اتاپ ءوتتى.

«ايتىس - قازاقتىڭ ەجەلگى ونەرى جانە وتە كۇردەلى، سەبەبى اقىندار تولىعىمەن سۋىرىپ سالما ونەرىنىڭ كومەگىمەن جەڭىسكە جەتە الادى. ءبىزدىڭ حالىق انشىلەردى وتە جاقسى كورەدى. ءار ايتىستا ءارقاشان زالدا ينە شانشار جەر بولمايدى. سەبەبى ءاردايىم مىقتى اقىندار جينالادى»، - دەيدى قازىلار القاسىنىڭ ءتوراعاسى، تانىمال اكتەر جانە رەجيسسەر، حالىق ءارتىسى، قازاقستاننىڭ ەڭبەك ەرى ءاسانالى ءاشىموۆ.

ايتىس ەكى كۇن وتەدى – 18- جانە 19- قىركۇيەكتە. گران-پري يەگەرى 3 ميلليون تەڭگە كولەمىندە اقشالاي سىيلىق الادى. ءبىرىنشى ورىن ءۇشىن - 1,5 ميلليون تەڭگە، ەكىنشى ورىن ءۇشىن - 750 مىڭ تەڭگە، ءۇشىنشى ورىن ءۇشىن - 500 مىڭ تەڭگە ۇتىس تىگىلىپ وتىر. سونىمەن قاتار ەكى ارنايى جۇلدە قاراستىرىلعان.

ايتىستىڭ اشىلۋ سالتاناتى 11.00 دە وتەدى. كىرۋ تەگىن. كورەرمەندەردى بارىنشا كوبىرەك تارتۋ ءۇشىن زالدان ترانسلياتسيا ۇيىمداستىرىلادى. ەكراندار تەاتردىڭ فويەسى مەن كىشى زالىندا ورناتىلادى.



باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات