+7 (701) 759 90 19
3 °С : نۇر-سۇلتان
11 °С : الماتى
USD 389.81 EUR 430.27
RUB 6.06 CNY 54.91
جاڭالىقتار

قازاقستان مەن ا ق ش بايىتىلعان ۋراندى بىرگە كادەگە جاراتپاق

17 قىركۇيەك 22:04
:ءبولىسۋ
قازاقستان مەن ا ق ش بايىتىلعان ۋراندى بىرگە كادەگە جاراتپاق

ۆەنا. قازاقپارات - قازاقستان مەن ا ق ش تاراپى ەلىمىزدە جوعارى بايىتىلعان ۋراندى كادەگە جاراتۋ بويىنشا بىرلەسكەن جۇمىس جوسپارى جونىندەگى مالىمدەمەگە قول قويدى. بۇل جونىندە ق ر ەنەرگەتيكا مينيسترلىگىنىڭ باسپا ءسوز قىزمەتىنە سىلتەمە جاساپ قازاقپارات حابارلايدى.

يادرولىق قاتەردى تومەندەتۋ جونىندەگى جاھاندىق باستاما شەڭبەرىندە قازىرگى ۋاقىتتا قازاقستان رەسپۋبليكاسىندا زەرتتەۋ رەاكتورلارىن كونۆەرسيالاۋ بويىنشا جۇمىستار جۇرگىزىلۋدە.

جۇمىستىڭ نەگىزگى ماقساتى - زەرتتەۋ رەاكتورلارىن تومەن بايىتىلعان ۋران وتىنىنا اۋىستىرۋ ارقىلى يادرولىق ماتەريالداردى تاراتپاۋ.

جوبالار ا ق ش ۇيىمدارىمەن بىرلەسىپ ىسكە اسىرىلۋدا، ولار وسى كۇردەلى مىندەتتەردى ورىندايتىن قازاقستان ۇيىمدارىنىڭ عىلىمي- تەحنيكالىق الەۋەتى مەن بىلىكتىلىگىنىڭ جوعارى دەڭگەيدە ەكەنىن اتاپ كورسەتتى.

جوبانى ىسكە اسىرۋ ماڭىزىن ەسكەرە وتىرىپ، اەحا باس كونفەرەنتسياسىنىڭ 63- سەسسياسى اياسىندا ەنەرگەتيكا ءمينيسترى قانات بوزىمبايەۆ پەن ا ق ش ەنەرگەتيكا دەپارتامەنتى ءمينيستردىڭ يادرولىق قاۋىپسىزدىك جونىندەگى ورىنباسارى جانە يادرولىق قاۋىپسىزدىك جونىندەگى ۇلتتىق اكىمشىلىگىنىڭ اكىمشىسى ليزا ە. گوردون- حاگەرتي قازاقستان رەسپۋبليكاسىندا جوعارى بايىتىلعان ۋراندى كادەگە جاراتۋ بويىنشا بىرلەسكەن جۇمىس جوسپارى تۋرالى بىرلەسكەن مالىمدەمەگە قول قويدى.

اتالعان ءىس- شارانىڭ اياقتالۋى الەمدىك قاۋىپسىزدىكتى كۇشەيتەدى جانە ەلباسى ن. ءا. نازاربايەۆ باستاعان بەيبىت ماقساتتا دامۋ باعىتىن راستايدى.

ەستەرىڭىزگە سالا كەتەيىك، ق ر ەنەرگەتيكا ءمينيسترى قانات بوزىمبايەۆ باستاعان قازاقستاندىق دەلەگاتسيا ۆەنا قالاسىنداعى (اۋستريا) اتوم ەنەرگياسى جونىندەگى حالىقارالىق اگەنتتىكتىڭ (اەحا) باس كونفەرەنسياسىنىڭ جىل سايىنعى 63- سەسسياسىنا قاتىسىپ جاتىر. قازاقستاندىق دەلەگاتسيانىڭ قۇرامىندا ق ر ەنەرگەتيكا مينيسترلىگى، «قازاقستان رەسپۋبليكاسىنىڭ ۇلتتىق يادرولىق ورتالىعى» ر م ك، «قازاتوم ونەركاسىپ» ۇ ا ك» ا ق جانە «قازاقستاندىق اتوم ەلەكتر ستانسيالارى» ا ق وكىلدەرى بار.


باستى سوزدەر: سئرتقئ ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات