+7 (701) 759 90 19
3 °С : نۇر-سۇلتان
11 °С : الماتى
USD 389.81 EUR 430.27
RUB 6.06 CNY 54.91
جاڭالىقتار

اقتوبەدە العاش رەت جاستارعا ارنالعان تەلەحيكايا ءتۇسىرىلدى

17 قىركۇيەك 21:35
:ءبولىسۋ
اقتوبەدە العاش رەت جاستارعا ارنالعان تەلەحيكايا ءتۇسىرىلدى

اقتوبە. قازاقپارات - «Aqtóbe» تەلەارناسى جاڭا ماۋسىمدا «Welcome to Aqtóbe» تەلەحيكاياسىن تانىستىردى. 20 بولىمنەن تۇراتىن تەلەحيكايا ەلىمىزدىڭ باتىس وڭىرىندە العاش رەت تۇسىرىلگەن، دەپ حابارلايدى قازاقپارات ءتىلشىسى.

«Aqtóbe» ارناسى وتاندىق كينو وندىرىسكە ءوز ۇلەسىن قوستى. وتكەن جىلى «ءبىر ءتۇپ الما اعاشى» كوركەم فيلمى كورسەتىلسە، بيىل اقتوبە قالاسىنىڭ 150 جىلدىعى مەن جاستار جىلىنا وراي سيتكوم جانرىندا تەلەحيكايا ءتۇسىردى. تەلەحيكايادا جان- جاقتان كەلگەن ستۋدەنتتەردىڭ ءومىرى بەينەلەنگەن. يدەيا اۆتورى - ازامات ايناعۇلوۆ، رەجيسسەرى - مارات تەلەۋوۆ، ال سسەناري اۆتورى - وركەن مۇقاقوۆ.


«ستۋدەنتتەردىڭ ءرولىن سومداۋ ءۇشىن ارنايى كاستينگ جاريالاندى. بارلىعى ەكى جۇزگە جۋىق جاس كەلدى. ونىڭ ىشىنەن ءتورت جىگىت، ءتورت قىز جانە قوسىمشا رولگە ءۇش جاستى تاڭداپ الدىق. ءسويتىپ، قاڭتار ايىندا ەشقانداي قارجىلىق قولداۋ، دەمەۋشىنىڭ كومەگىنسىز ىسكە كىرىستىك. بەس اي جۇمىس جاسادىق. تەلەارنا عيماراتىنىڭ جەرتولەسىن پايدالاندىق. بارلىق شارۋانى ءوزىمىز اتقاردىق. ال سىرتتا تۇسىرىلەتىن كادرلارعا كەيبىر كافە- مەيرامحانا باسشىلارى دەمەۋشىلىك كورسەتتى»، - دەدى ازامات ايناعۇلوۆ.


العاشقى تۋىندىدا اۋدان، قالا، شەتەلدەن كەلگەن جاستاردىڭ قىزىقتى ءومىرى سۋرەتتەلدى. ءبىر جاتاقحانادا تۇراتىن ستۋدەنتتەر ءتۇرلى ساتتەردى باستان كەشەدى. ماحاببات، دوستىق، ادالدىق تا تەلەحيكايانىڭ نەگىزگى جەلىسىنەن تابىلادى. تەلەحيكايا 10 بولىمنەن تۇرادى. ءار ءبولىمنىڭ ۇزاقتىعى - 20 مينۋت.


«بۇل كورەرمەنگە وڭاي كورىنۋى مۇمكىن. ءبىراق ءبىز ۇلكەن قيىندىقپەن تۇسىردىك. سەبەبى قارجىلاي كومەك، تەحنيكا، ارنايى ماماندار بولماعاننان كەيىن بارلىعىن ءوزىمىز جاساۋعا تۋرا كەلدى. بۇنداي تەلەحيكايا ەلىمىزدىڭ باتىس ايماعىندا العاش رەت ءتۇسىرىلىپ وتىر. العاشقى قادام قاشاندا قيىن. ءبىر ايتا كەتەرلىگى، تۋىندىنى تەك قانا اقتوبەلىكتەر ءتۇسىردى. ويناعان ارتىستەر دە اقتوبەلىك جاستار بولدى. سوندىقتان اقتوبەنىڭ تۋىندىسى دەپ تولىق ايتۋعا بولادى. دەمەۋشى بولسا، تەلەحيكايانىڭ ەكىنشى كەزەڭىن ءتۇسىرۋ دە جوسپاردا بار»، - دەدى رەجيسسەر مارات تەلەۋوۆ.

تەلەحيكايا ءار جەكسەنبى سايىن كورسەتىلەدى. العاشقى سەرياسى 22 - قىركۇيەك كۇنى ساعات 21:00-دە باستالادى. ايتا كەتەيىك، جاڭا ماۋسىمدا «كەزدەر- اي»، «زامانا»، «ازامات ەكەن» جانە «ايەلدەر الەمى» سياقتى جاڭا باعدارلامالار كورەرمەنگە ۇسىنىلادى.

اۆتور: التىناي ساعىندىقوۆا



باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات