+7 (701) 759 90 19
5 °С : نۇر-سۇلتان
7 °С : الماتى
USD 389.81 EUR 430.27
RUB 6.06 CNY 54.91
جاڭالىقتار

ەلورداعا الەمدىك دىندەر وكىلدەرى كەلدى

17 قىركۇيەك 20:02
:ءبولىسۋ
ەلورداعا الەمدىك دىندەر وكىلدەرى كەلدى

نۇر- سۇلتان. قازاقپارات - 18 - قىركۇيەك كۇنى نۇر- سۇلتان قالاسىندا ق ر پارلامەنتى سەناتىنىڭ ءتوراعاسى - حاتشىلىق باسشىسى داريعا نازاربايەۆانىڭ ءتوراعالىق ەتۋىمەن الەمدىك جانە ءداستۇرلى دىندەر سەزى حاتشىلىعىنىڭ XVIII وتىرىسى بولادى، دەپ حابارلايدى قازاقپارات سەناتىنىڭ باسپا ءسوز قىزمەتىنە سىلتەمە جاساپ.

جيىنعا قاتىسۋشىلار الدا وتەتىن سەزد جۇمىسىن پىسىقتاپ، ۇيىمداستىرۋ ماسەلەلەرىن تالقىلايدى.

وتىرىسقا 19 ەلدەن كەلگەن ءتۇرلى دىندەر وكىلدەرى مەن كوشباسشىلارى قاتىسادى. ولاردىڭ قاتارىندا قىتاي، وڭتۇستىك كورەيا، تايلاند، رەسەي، مىسىر، ساۋد ارابياسى، پاكىستان، ۆاتيكان، ۇلىبريتانيا جانە تاعى باسقا دا ەلدەر بار. بارلىق دىندەر وكىلدەرى ەلورداعا كەلىپ بولدى.

كۇن ءتارتىبى بويىنشا الەمدىك جانە ءداستۇرلى دىندەر كوشباسشىلارىنىڭ VI سەزىنىڭ قورىتىندىسى مەن حاتشىلىقتىڭ الداعى شارالارى تالقىعا سالىنادى. سونداي- اق الداعى VII سەزد بەن حاتشىلىقتىڭ XIX وتىرىسى وتەتىن كۇنى بەلگىلەنەتىن بولادى.

«بۇگىن بەيبىتشىلىك جانە كەلىسىم سارايىندا ەرتەڭگى وتەتىن حاتشىلىق وتىرىسىنا ازىرلىك جۇمىستارى باستالدى. قاتىسۋشىلار ادەتتەگىدەي «اتريۋم» زالىندا باس قوسادى. مۇندا قازىر سوڭعى دايىندىق جۇمىستارى جۇرۋدە: ورىندىقتار قويىلىپ، دىبىس جانە جارىق جابدىقتارى تەكسەرىلۋدە.

الەمدىك دىندەر وكىلدەرى ءۇشىن ارنايى عيبادات بولمەلەرى بەلگىلەندى. بۇقارالىق اقپارات وكىلدەرىنە ارنايى باسپا ءسوز ورتالىعى جاساقتالىپ، قاجەتتى اقپاراتپەن قامتاماسىز ەتۋگە جانە تىكەلەي ەفير ارقىلى قاتىسۋشىلاردى تىڭداۋعا مۇمكىندىك بار» ، دەلىنگەن حابارلامادا.



«ن. نازاربايەۆتىڭ كونفەسسياارالىق جانە وركەنيەتارالىق ديالوگتى دامىتۋ ورتالىعىنىڭ» باسقارما ءتوراعاسى التاي ابيبۋللايەۆتىڭ ايتۋىنشا، ءدىنارالىق، ءداستۇرارالىق بولىكتەردى ىلگەرىلەتۋدىڭ قازاقستاندىق ۇلگىسى ءبىزدىڭ ەلىمىزدىڭ بەيبىتشىلىك پەن ءوزارا تۇسىنىستىكتى قامتاماسىز ەتۋدەگى ەرەكشە بەينەسى بولىپ تابىلادى.

«الەمدەگى ءتۇرلى دىندەر كوشباسشىلارى مەن وكىلدەرى اراسىندا ءدال وسى رۋحاني ديپلوماتيا ارقىلى ديالوگ ورناتۋ مەن دامىتۋعا قازاقستان بەلسەندى ۇلەس قوسىپ كەلە جاتقانى سىزدەرگە بەلگىلى» ، - دەدى التاي ابيبۋللايەۆ.



باستى سوزدەر:
:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات