19:33, 17 - قىركۇيەك 2019 | GMT +6
سولتۇستىك قازاقستان وبلىسىن گازداندىرۋ وزەكتى ماسەلە - قاسىم- جومارت توقايەۆ
نۇر- سۇلتان. قازاقپارات – ق ر پرەزيدەنتى قاسىم- جومارت توقايەۆ ق ر ەنەرگەتيكا مينيسترلىگى مەن ۇكىمەتكە سولتۇستىك قازاقستان وبلىسىن گازداندىرۋ بويىنشا ۇسىنىستار ەنگىزۋدى تاپسىردى.
بۇل تۋرالى قازاقپارات اقوردانىڭ Twitter- دەگى پاراقشاسىنا سىلتەمە جاساپ حابارلايدى.
«سولتۇستىك قازاقستان وبلىسى ءۇشىن گازداندىرۋ ماسەلەسى وزەكتى بولىپ تۇر. مۇنىڭ ەكونوميكالىق جانە ەكولوگيالىق اسپەكتىلەرى بار. ەنەرگەتيكا مينيسترلىگى مەن ۇكىمەت اكىمدىكپەن بىرگە وبلىستى گازداندىرۋدىڭ ءتۇرلى جولدارىن ەگجەي- تەگجەيلى پىسىقتاپ، پرەزيدەنت اكىمشىلىگىنە ۇسىنىس ەنگىزۋى ءتيىس»، - دەدى مەملەكەت باسشىسى.
ەسكە سالا كەتسەك، مەملەكەت باسشىسى قاسىم- جومارت توقايەۆ جۇمىس ساپارىمەن سولتۇستىك قازاقستان وبلىسىن ارالاپ ءجۇر. مەملەكەت باسشىسى وبلىستىڭ ءبىرقاتار اۋىل شارۋاشىلىعى مەن يندۋستريالىق نىساندارىن ارالادى. سونداي- اق، اگروونەركاسىپ كەشەنىن دامىتۋ ماسەلەلەرى جونىندە رەسپۋبليكالىق كەڭەس وتكىزدى.
اۆتور: ەسىمجان ناقتىباي