+7 (701) 759 90 19
3 °С : نۇر-سۇلتان
11 °С : الماتى
USD 389.81 EUR 430.27
RUB 6.06 CNY 54.91
جاڭالىقتار

شىڭعىس حاننان قالعان التى اۋىز ءسوز

18 قىركۇيەك 04:47
:ءبولىسۋ

نۇر-سۇلتان. قازاقپارات – شىڭعىس حاننان قالعان التى اۋىز ءسوزدى ۇسىنامىز.

1. ەگەر ۇلدار اكەسىنىڭ جولىن قۋماسا، ىنىلەرى اعاسىنىڭ ءسوزىن تىڭداماسا، كۇيەۋىنىڭ ايەلىنە سەنىمى بولماسا، ايەلى كۇيەۋىن جۇرە تىڭداسا، ەنەلەرى كەلىندەرىن ۇناتپاسا، كەلىندەر ەنەلەرىن قۇرمەت تۇتپاسا، ۇلى ادامدار قورعانسىزعا پانا بولماسا، پاقىرلار دانالار ءسوزىن قۇپتاماسا، باسشىلار قىزمەتكەرلەرىنىڭ جۇرەگىنە جول تاپپاسا، اينالاسىنداعى ادامداردى سوڭىنان ەرتە الماسا، يگىلىكتى باسقا جانداردان مول يگەرىپ، بايىعان ادامدار باسقالاردىڭ دا بايۋىنا كومەكتەسىپ، قول ۇشىن بەرمەسە، باسقا حالىقتىڭ ادەت- عۇرپى مەن زاڭىنا، اقىل- پاراساتى مەن ادامگەرشىلىگىنە مەنمەندىكپەن قاراسا، مەملەكەت ءتارتىبىن مويىنداماسا، ونداي ەلدە ۇرىلار مەن سۋايتتار، قىلمىسكەرلەر مەن باسقا دا بۇزىق جولعا تۇسكەندەر وز وتانىنىڭ باسىنا قارا تۇنەك ورناتادى. باسقاشا ايتقاندا، ول ەلدىڭ بايلىعى ۇستاعاننىڭ قولىندا، تىستەگەننىڭ اۋزىندا كەتەدى، جىلقىلارى مەن تابىندارىنىڭ تىنىشتىعى بۇزىلادى، جورىققا مىنگەن اتتارى زورىعىپ ولەدى، ءسويتىپ بۇكىل حالىق تۇككە تۇرمايتىن دارمەنسىز بەيشاراعا اينالادى.

2. ەگەر اركىم ءوز پيعىلىن ارامدىق ويدان تازارتاتىن بولسا، بۇكىل ەل ۇرى- قارىدان، زياندى ادەتتەن پاك بولار ەدى.

3. مومىن حالىقتىڭ اراسىندا جۇرگەندە قوشاقانداي مومىن بول، ال شايقاسقا شىققاندا، جەمتىك كورگەن اش بۇركىتتەي شۇيلىك.

4. ءسوزدى ايتتىڭ با، - ول جاقسى ما، جامان با، شىن با، ءازىل مە، ءبارىبىر قايتارا المايسىڭ. سوندىقتان، ءسوزىڭدى بەزبەنمەن ولشەگەندەي سالماقتاپ بارىپ ايت.

5. ەر كىسى ءبىر مەزگىلىندە بارلىق جەردى جارىق ەتىپ وتىراتىن كۇن ەمەس. ولاي بولسا، ەرى اڭعا نە جورىققا كەتكەندە، ايەلى ەرىنىڭ وتباسىن كوڭىرسىتپەي، ءۇي ءىشىن ۇلبىرەتىپ وتىرۋى كەرەك. كەلگەن كىسىگە ەرىنىڭ جوقتىعىن بىلدىرمەي، قۇرمەتپەن قارسى الىپ، ءدامدى تاعام بەرىپ، ادال پەيىلمەن سىيلاپ جىبەرسە، ءوزىنىڭ ابىرويىن ارتتىرىپ قانا قويمايدى، ەل اراسىندا ەرىنىڭ دە ابىروي- بەدەلىن اسقار شىڭعا شىعارادى. ەر كىسىنىڭ ابىرويى ايەلىنىڭ ادامگەرشىلىك قاسيەتتەرىنە تىكەلەي بايلانىستى. كەرىسىنشە، ايەل پارىقسىز، جۇرگەن جەرىندە ابىرويسىز، ار- نامىسىن اياققا باسىپ جۇرگەن بادىك بولسا، كۇيەۋىنىڭ دە ابىرويى بولمايدى، اۋىزداعى ءسوزى اياقتىعا جول بولادى.

6. شەربەتتەن اقىل دا، پايدا دا، ابىروي دا، قايىرىمدى مىنەز- قۇلىق تا، ادامگەرشىلىك تە كۇتپە. ءىشۋدى تاستاي تىيۋعا جىگەرىڭ جەتپەسە، شاماڭدى بايقاپ، مولشەرلەپ ىشكىن. مۇلدەم ىشپەيتىن ادام - ناعىز قادىرلى ادام!



باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات