+7 (701) 759 90 19
10 °С : نۇر-سۇلتان
14 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

اۋىلدا جەم-ءشوپ قىمبات، ۇكىمەت پەن اكىمدەر بۇل ماسەلەنى شەشۋى ءتيىس - توقايەۆ

17 قىركۇيەك 18:51
:ءبولىسۋ
اۋىلدا جەم-ءشوپ قىمبات، ۇكىمەت پەن اكىمدەر بۇل ماسەلەنى شەشۋى ءتيىس - توقايەۆ

پەتروپاۆل. قازاقپارات - مەملەكەت باسشىسى قاسىم- جومارت توقايەۆ وتباسىلىق فەرمەرلىكتى بەلسەندى تۇردە دامىتۋ كەرەكتىگىن جەتكىزدى، دەپ حابارلايدى قازاقپارات اقوردانىڭ Тwitter پاراقشاسىنا سىلتەمە جاساپ.

«اۋىل- ايماقتارعا مامانداردى تارتۋ ءۇشىن «ديپلوممەن - اۋىلعا» باعدارلاماسى جۇزەگە اسىرىلىپ جاتىر. اۋىل تۇرعىندارى دا، اكىمدەر دە ونىڭ جەتكىلىكسىز قارجىلاندىرىلىپ جاتقانىن اتاپ ءوتتى. سوندىقتان مەن ونى قارجىلاندىرۋ كولەمىن 2020 -جىلدان باستاپ جىلىنا 20 ميلليارد تەڭگەگە دەيىن جەتكىزۋ تۋرالى شەشىم قابىلدادىم»، - دەدى پرەزيدەنت سولتۇستىك قازاقستانعا جاساعان جۇمىس ساپارىندا.

مەملەكەت باسشىسى سونىمەن بىرگە اسا ماڭىزدى ماسەلەلەردىڭ ءبىرى - اۋىلدى كەشەندى تۇردە دامىتۋ ەكەنىن اتاپ ءوتتى. پرەزيدەنتتىڭ ايتۋىنشا، اۋىلدارعا ناقتى قولداۋ كورسەتىپ، زاماناۋي ينفراقۇرىلىمدى دامىتۋ كەرەك.

«ۇكىمەت اكىمدەرمەن بىرلەسىپ جەم-ءشوپتىڭ قىمباتتاپ كەتۋ ماسەلەسىن شەشۋى كەرەك. بۇل - كاسىپكەرلەر ءۇشىن باستى تەجەۋشى فاكتورلاردىڭ ءبىرى. بۇگىندە جەم-ءشوپ باعاسى اۋىل تۇرعىندارى شىعىنىنىڭ ۇشتەن ءبىر بولىگىن قۇرايدى. سونىمەن قاتار، وتباسىلىق فەرمەرلىكتى بەلسەندى تۇردە دامىتۋ قاجەت. بۇل الەمدىك تاجىريبەدە كەڭىنەن تارالعان. مەملەكەتتىك باعدارلامادا ءۇي شارۋاشىلىقتارىنا جەڭىلدەتىلگەن نەسيە بەرۋ قاراستىرىلعان. وسى جىلى 1300 وتباسىلىق فەرما مەن شاعىن فەرمەرلىك شارۋاشىلىق قارجىلاندىرىلدى»، - دەپ جازدى پرەزيدەنت.

ەسكە سالا كەتسەك، مەملەكەت باسشىسى قاسىم- جومارت توقايەۆ جۇمىس ساپارىمەن سولتۇستىك قازاقستان وبلىسىن ارالاپ ءجۇر . مەملەكەت باسشىسى وبلىستىڭ ءبىرقاتار اۋىل شارۋاشىلىعى مەن يندۋستريالىق نىساندارىندا بولىپ، اگروونەركاسىپ كەشەنىن دامىتۋ ماسەلەلەرى جونىندە رەسپۋبليكالىق كەڭەس وتكىزدى.

اۆتور: ايان بەكەن ۇلى


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات