ءبىز باسەكەگەگە قابىلەتتى بولۋدى ۇيرەنۋىمىز كەرەك - مەملەكەت باسشىسى

None
None
 پەتروپاۆل. قازاقپارات - ءبىز باسەكەگەگە قابىلەتتى بولۋدى ۇيرەنۋىمىز كەرەك. قازاقستان پرەزيدەنتى قاسىم- جومارت توقايەۆ وسىلاي دەيدى، دەپ حابارلايدى قازاقپارات اقوردانىڭ  Тwitter  پاراقشاسىنا سىلتەمە جاساپ.

«ءبىز باسەكەگەگە قابىلەتتى بولۋدى ۇيرەنىپ، سالا نەمەسە ايماق باسشىسىنىڭ اۋىسۋىنا قاراي وزگەرمەيتىن جايلى كوممەرتسيالىق جانە فيسكالدى شارتتاردى جاساۋعا دايىن بولۋعا ءتيىسپىز. بۇل رەتتە «قازاق ينۆەستتىڭ»، جەرگىلىكتى اتقارۋشى ورگانداردىڭ جاۋاپكەرشىلىگى مول»، - دەپ جازدى پرەزيدەنت تۆيتتەردەگى پاراقشاسىندا.

مەملەكەت باسشىسى قازاقستاننىڭ د س ۇ مەن ە ا ە و مۇشەسى ەكەنىن جازادى.

«ۇلتتىق وندىرۋشىلەردىڭ مۇددەسى، ازاماتتاردىڭ دەنساۋلىعى مەن قاۋىپسىزدىگى بارىنەن دە بيىك تۇرۋى ءتيىس. اتقارۋشى بيلىك ىشكى نارىقتى كونترافاكتىلى، قاۋىپتى ونىمنەن قورعاۋى كەرەك»، - دەدى ول.

پرەزيدەنتتىڭ جازۋىنشا، تاۋەلسىزدىك جىلدارى قازاقستانعا 300 ميلليارد دوللارلىق تىكەلەي شەتەلدىك ينۆەستيتسيا تارتىلعان. الايدا اۋىل شارۋاشىلىعىنا بۇل ينۆەستيتسيالاردىڭ 1 پايىزى عانا جۇمسالعان. سول ءۇشىن مەملەكەت باسشىسى سالانىڭ ينۆەستيتسيالىق تارتىمدىلىعىن ارتتىرۋ ماڭىزدى ەكەنىن جازدى.

ەسكە سالا كەتسەك، مەملەكەت باسشىسى قاسىم- جومارت توقايەۆ جۇمىس ساپارىمەن سولتۇستىك قازاقستان وبلىسىن ارالاپ ءجۇر. مەملەكەت باسشىسى وبلىستىڭ ءبىرقاتار اۋىل شارۋاشىلىعى مەن يندۋستريالىق نىساندارىندا بولىپ، اگروونەركاسىپ كەشەنىن دامىتۋ ماسەلەلەرى جونىندە رەسپۋبليكالىق كەڭەس وتكىزدى.

اۆتور: ايان بەكەن ۇلى



سوڭعى جاڭالىقتار