+7 (701) 759 90 19
10 °С : نۇر-سۇلتان
14 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

قازاقستاندىق دەلەگاتسيا داماسك قالاسىنداعى ءال- فارابي كەسەنەسىنە باردى

17 قىركۇيەك 16:52
:ءبولىسۋ
قازاقستاندىق دەلەگاتسيا داماسك قالاسىنداعى ءال- فارابي كەسەنەسىنە باردى

الماتى. قازاقپارات - ءابۋ ناسىر ءال- ءفارابيدىڭ 1150 جىلدىق مەرەيتويىنا ازىرلىك بارىسىندا ارنايى قازاقستاندىق دەلەگاتسيا سيريانىڭ داماسك قالاسىنا ىسساپارمەن باردى، دەپ حابارلايدى قازاقپارات.

مەملەكەتتىك «رۋحاني جاڭعىرۋ» باعدارلاماسى مەن ەلباسى ن. ءا. نازاربايەۆتىڭ «ۇلى دالانىڭ جەتى قىرى» ماقالاسىنداعى نەگىزگى ماقسات- مىندەتتەردى جۇزەگە اسىرۋ ماقساتىندا ۇلى عۇلامالاردىڭ بىرەگەيى، ەكىنشى ۇستاز اتانعان ءابۋ ناسىر ءال- ءفارابيدىڭ 1150 جىلدىق مەرەيتويىنا ازىرلىك بارىسىندا قازاقستاندىق ارنايى دەلەگاتسيا سيريانىڭ داماسك قالاسىنا ىسساپارمەن باردى.

بۇل ءىسساپار كوپتەن بەرى جوسپارلانىپ، قازاقستان رەسپۋبليكاسىنىڭ ليۆانداعى ەلشىلىگىنىڭ جانە سيريا رەسپۋبليكاسىنىڭ قازاقستانداعى قۇرمەتتى ەلشىسىنىڭ قولداۋىمەن جۇزەگە استى.

«ساپاردىڭ ماقساتى - ۇلى بابامىزدى زيارات ەتىپ، جاتقان جەرىنە قازاقستان تاراپىنىڭ قارجىلاندىرۋىمەن سالىنعان «ءال- فارابي مادەني تاريحى ورتالىعى جانە كەسەنەسى» قۇرىلىسىنىڭ جاي- كۇيىمەن جاقىننان تانىسۋ، 2020 -جىلى ۇلى ويشىل ءابۋ ناسىر ءال- ءفارابيدىڭ 1150 جىلدىعىن وتكىزۋگە دايىندىق شارالارىن ۇيىمداستىرۋ. دوستاس مەملەكەتتەر اراسىنداعى ورتاق تاريحي جانە مادەني قۇندىلىقتاردى ناسيحاتتاپ، قارىم- قاتىناستىڭ جاقسى پلاتفورماسىن قۇرۋ»، دەلىنگەن حابارلامادا.

قازاقستاندىق دەلەگاتسيا قۇرامىندا قازۇۋ- دىڭ رەكتورى عالىمقايىر مۇتان ۇلى، ق ر پارلامەنتى سەناتىنىڭ دەپۋتاتى ءالىمجان قۇرتايەۆ، تانىمال كينورەجيسسەر سەرگەي ءازىموۆتىڭ ءتۇسىرۋ توبى جانە Qazaqstan ۇلتتىق تەلەارناسى اتىنان دارحان ابدىكوۆ جەتەكشىلىك ەتكەن ءتۇسىرىلىم توبى، سونداي- اق ءال- فارابي اتىنداعى قازۇۋ شىعىس تانۋ فاكۋلتەتىنىڭ دەكانى ىقتيار پالتورە بولدى.


ساپار اياسىندا قازاقستاندىق دەلەگاتسيا داماسك قالاسى اكىمىنىڭ قابىلداۋىندا بولىپ، قۇرىلىسى اياقتالعان «ءال- فارابي مادەني تاريحى ورتالىعى جانە كەسەنەسى» عيماراتىنىڭ بولاشاعى تۋرالى پىكىر الماستى. دەلەگاتسيا باسشىسى اكادەميك عالىمقايىر مۇتانوۆ داماسك قالاسىنىڭ اكىمى اديل ءانۋار ءال- الابي مىرزامەن كەزدەسۋىندە ۇلى بابامىزدىڭ جاتقان جەرىنە سالىنعان عيماراتتى اسا قيىن سوعىس كەزىندە ساقتاپ قالۋعا اتسالىسقاندارى ءۇشىن قازاقستان اتىنان زور العىس ايتىپ، ريزاشىلىق تانىتتى.


«سىزدەرمەن ءبىزدى بايلانىستىراتىن تاريح تەرەڭنەن تارتادى. وتىراردا دۇنيەگە كەلگەن ۇلى ءال- فارابي بابامىز، كەزىندە سىزدەردە بيلىك قۇرعان سۇلتان زاھير بەيبارىس بابامىز وسى كيەلى داماسك جەرىندە جاتىر. بۇل ەكى الىپ تۇلعا ەكى ەلدى جاقىنداستىرا تۇسەتىن مادەني كوپىر، جاستار تاريبەسىندە رۋحاني ازىق، كۇش- جىگەر، ۇلگى- ونەگە بولاتىن تۇلعالار ەكەندىگىنە سەنىم بىلدىرەمىن» ، - دەدى قازۇۋ رەكتورى.


ءىسساپار كەزىندە قازاقستاندىق دەلەگاتسيا داماسك ۋنيۆەرسيتەتىنىڭ رەكتورى پروفەسسور مۇحاممەد ماھير قاباقيبيمەن كەزدەستى. ەكى ۋنيۆەرسيتەت باسشىسى ءوزارا ديالوگ بارىسىندا قارىم- قاتىناستاردى نىعايتۋ باعىتىندا پىكىر الماستى. قازۇۋ- دىڭ رەكتورى ع. مۇتانوۆ ءال- فارابيگە دەگەن جالپى كوپشىلىكتىڭ تانىم كوكجيەگىن كەڭەيتىپ، بىزگە جازىپ قالدىرعان فيلوسوفيالىق وي- تولعامدارى مەن جالپى ادامزاتتىڭ باقىتتى ءومىر سۇرۋىنە قاتىستى ايتقان تۇجىرىمدى ويلارىن بۇگىنمەن بايلانىستىرۋدىڭ وزەكتىلىگىنە ەرەكشە توقتالدى.

وسى باعىتتا ءال- فارابيدىڭ ەسىمىن يەلەنىپ وتىرعان قازاق ۇلتتىق ۋنيۆەرسيتەتى ۇلى عۇلامانىڭ ىزگىلىك قوعامى يدەياسى نەگىزىندە يننوۆاتسيالىق- تەحنولوگيالىق تۇعىرنامامەن قاتار رۋحاني- ادامگەرشىلىك قۇندىلىقتارعا نەگىزدەلگەن «ۋنيۆەرسيتەت 4.0» جاڭا بۋىن ۋنيۆەرسيتەتىنىڭ مودەلىن جاساعاندىعىن ايتتى. بۇل جوبانى بىرىككەن ۇلتتار ۇيىمىنىڭ (ب ۇ ۇ) نيۋ- يوركتەگى شتاب- پاتەرىندە تانىستىرىپ، وسى ۇيىمنىڭ قولداۋىمەن ونى حالىقارالىق دەڭگەيدە جۇزەگە اسىرۋعا ۇسىنىس بىلدىرگەندىگىن تىلگە تيەك ەتتى. وسىلايشا قازاق ۇلتتىق ۋنيۆەرسيتەتى ب ۇ ۇ وركەنيەتتەر اليانسىمەن بىرلەسىپ «قايىرىمدى قوعام ازاماتتارىن قالىپتاستىرۋ. قازىرگى زامانعى ۋنيۆەرسيتەتتەردىڭ ميسسياسى» اتتى حالىقارالىق جوبانى جۇزەگە اسىرا باستاعاندىعىن ءتۇسىندىرىپ بەردى. سونداي- اق بۇگىنگە دەيىن ءال- فارابي اتىنداعى قازاق ۇلتتىق ۋنيۆەرسيتەتى تۇركيا، مىسىر، يتاليا، قىتاي، ءۇندىستان، بولگاريا سياقتى تاعى باسقا ەلدەردىڭ جەتەكشى ۋنيۆەرسيتەتتەرىندە 12 «ءال- فارابي» عىلىمي- ءبىلىم بەرۋ ورتالىعى، تۇركيا مەن ءۇندىستاندا «ءال- فارابي» اتىنداعى مۋزەي ءۇيىنىڭ اشىلعاندىعىن جەتكىزدى.

ءىسساپار اياسىندا قازاقستاندىق دەلەگاتسيا سيريانىڭ حالىقارالىق اكادەمياسىندا دوڭگەلەك ۇستەل وتكىزدى. وندا ۇلى ويشىل ءابۋ ناسىر ءال- فارابي بابامىزدىڭ ءومىرى مەن شىعارماشىلىعى، فيلوسوفيالىق وي- تولعامدارى، اسىرەسە «قايىرىمدى قالا قۇرۋ» تۋرالى ايتقان وي- پىكىرلەرى كەڭىنەن تالقىعا سالىندى. جيىن سوڭىندا حالىقارالىق اكادەميانىڭ دوڭگەلەك ۇستەل ءوتىپ وتىرعان ۇلكەن زالى بۇدان بۇلاي «ءال- فارابي» اتىنداعى ۇلكەن زال دەپ اتالۋىنا شەشىم شىعارىلدى.

دەلەگاتسيا قۇرامىنداعى ءتۇسىرىلىم توبى داماسك قالاسىنداعى «ءال- فارابي مادەني تاريحى ورتالىعى جانە كەسەنەسى» عيماراتىندا، سۇلتان بەيبارىس بابامىزدىڭ باسىندا جانە تاعى باسقا كونە داماسك كورىنىستەرىن، تاريح- مادەني ورىنداردى تاسپاعا ءتۇسىرىپ، ءال- فارابي بابامىز بەن سۇلتان بەيبارىس بابامىزعا قاتىستى فيلمگە قاجەتتى مول ۆيدەوماتەريالدار جيناقتادى.



باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات