16:32, 17 - قىركۇيەك 2019 | GMT +6
پويىزدا قاتتى كۇلىپ جىبەرگەن ايەلدىڭ جاعى شىعىپ كەتتى
نۇر-سۇلتان. قازاقپارات - قىتايدىڭ گۋاڭجوۋ قالاسىندا پويىزدا وتىرعان ايەل قاتتى كۇلەمىن دەپ جاعىن شىعارىپ الدى.
بۇل تۋرالى Live Science سايتى جاساپ حابارلايدى.
وسىلايشا، ايەل اۋزىن جاۋىپ، انىق سويلەي الماي قالعان. وعان سول پويىزدا وتىرعان قالالىق كلينيكالاردىڭ ءبىرىنىڭ دارىگەرى لو ۆەنشەن كومەككە كەلدى.
«باستاپقىدا ول ينسۋلت العان ەكەن دەپ ويلادىم» ، - دەيدى ول.
ارتىنشا دارىگەر ايەلدىڭ جاعى شىعىپ كەتكەنىن ءتۇسىنىپ، وعان اۋرۋحاناعا بارۋعا كەڭەس بەرىپتى.
ۆەنشەن بۇل سالادا مامان ەمەس ەكەنىن ايتقانىمەن، ۆاگونداعى كورشىلەرى ونى ايەلدىڭ جاعىن سالىپ بەرۋگە كوندىرگەن. ناتيجەسىندە دارىگەر ولاردىڭ ايتقانىنا كەلىسىپ، ءۇشىنشى تالپىنىستان ايەلدىڭ جاعىن ورنىنا سالدى. مۇنان كەيىن ول ايەلگە اۋرۋحاناعا جۇگىنۋگە قايتادان كەڭەس بەردى.
كۇيەۋىنىڭ سوزىنشە، بۇعان دەيىن ايەلى قۇسقان كەزدە جاعىن شىعارىپ العان ەكەن. بۇل جاق سۇيەگىنىڭ وينامالى بولۋ قاتەرىن ارتتىرۋى مۇمكىن.