ءىرى كولەمدە اقشا جىمقىرعان وليمپيادا ورتالىعىنىڭ باسشىسى سوتتالدى

نۇر-سۇلتان. قازاقپارات - ۆەلوسيپەد سپورتىنان وليمپيادالىق دايارلاۋ ورتالىعىنىڭ ديرەكتورى سوتتالدى، دەپ حابارلايدى قازاقپارات سىبايلاس جەمقورلىققا قارسى ءىس-قيمىل اگەنتتىگىنە سىلتەمە جاساپ.

«بۇدان بۇرىن سىبايلاس جەمقورلىققا قارسى ءىس-قيمىل اگەنتتىگى ۆەلوسيپەد سپورتىنان وليمپيادالىق دايارلاۋ ورتالىعىنىڭ ديرەكتورى ب. و. مۇقاشيەۆقا قاتىستى سوتقا دەيىنگى تەرگەۋ امالدارىن اياقتاعان بولاتىن. ول 2016-2018-جىلدارى جۇيەلى تۇردە ۇيىمنىڭ ايلىق تولەماقى قورىنان 21 ميلليون تەڭگە جىمقىردى دەگەن كۇدىككە ىلىنگەن ەدى. سوتتالۋشى ورتالىقتا جۇمىس ىستەمەيتىن ادامداردى زاڭسىز جۇمىسقا تۇرعىزۋ، جۇمىسشىلارعا سىياقى اۋدارىپ، قايتا جيناپ الۋ جولىمەن اقشا جىمقىرعان»، - دەلىنگەن اگەنتتىكتىڭ حابارلاماسىندا.

سوتقا دەيىنگى تەرگەۋ امالدارى كەزىندە مۇقاشيەۆ بيۋجەتكە كەلتىرىلگەن شىعىندى تولىعىمەن وتەگەن.

16- قىركۇيەكتە نۇر-سۇلتان قالاسىنىڭ ەسىل اۋداندىق 2№ سوتىنىڭ ۇكىمىمەن مۇقاشيەۆ ءىرى كولەمدە بيۋجەت قاراجاتىن جىمقىرعانى ءۇشىن 4 جىلعا باس بوستاندىعىنان ايىرىلدى.