+7 (701) 759 90 19
10 °С : نۇر-سۇلتان
14 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

ەسىرتكىگە اۋەستەنگەن ەر ادام قالاي ميلليونەرگە اينالدى؟

17 قىركۇيەك 12:54
:ءبولىسۋ
ەسىرتكىگە اۋەستەنگەن ەر ادام قالاي ميلليونەرگە اينالدى؟

نۇر-سۇلتان. قازاقپارات – ا ق ش- تىڭ وگايو شتاتىنان شىققان حاليل رافاتي ەسىمدى ەر ادام 14 جىل بۇرىن ءۇي-كۇيى جوق ناشاقور بولعان.

ول ۇنەمى ءابىرجىپ، ءۇستى-باسى جارا بولىپ جۇرەتىن. تالاي رەت وپىق جەپ، كوپ قاتەلىكتەرگە بوي الدىرعان ول ءبىر كۇنى ءومىرىن تۇبەگەيلى وزگەرتۋگە شەشىم قابىلداپ، بۇگىندە ميلليونەر اتانعان.

بۇل تۋرالى bigpicture.ru سايتىنا سىلتەمە جاساعان KAZ. NUR. KZ حابارلايدى.

حاليل رافاتي امەريكاداعى لوس-انجەلەس شتاتىندا ورنالاسقان SunLife Organics شىرىندى بارلار جەلىسىنىڭ يەسى. ونىڭ بارىنا تانىمال ادامدار ءجيى قوناقتاپ كەلەدى. سونداي-اق، SunLife Organics «ءومىر ەلەكسيرى» مەن «باقىتتى» اتتى سۋسىنداردىڭ ءدامىن تاتۋعا كەلگەن كەلۋشىلەرۋمەن اتاقتى.


نەبارى 5 جىلدا رافاتي شىرىن يمپەرياسىن قۇراستىرىپ، ءوزىنىڭ ءومىرىن ساقتاپ قالعان.

حاليل رافاتي ەڭ العاش رەت ءوزىنىڭ ۇيىنەن قاشىپ، وگايو شتاتىنان لوس-انجەلەسكە كەلگەن. بۇل جەردە ەر ادام سپورتتىق اۆتوكولىكتەرگە ارنالعان زاتتاردى تاسىمالداۋمەن اينالىستى.

ءىسى العا جۇرگەنىمەن، ول قوسىمشا تابىس تابۋ ءۇشىن گەروين، ەكستازي مەن كەتاميندى تاۋىپ، ساتقان. ءبىر كۇنى ول گەرويندى شەگىپ كورگەن. سول كەزدە حاليل ارمانىنداعى بالالىق شاقتى ەلەستەتىپتى. وسى ساتتەن باستاپ ول ەسىرتكىنى ءجيى تۇتىنا باستايدى.


گەروينگە اۋەستەنگەن ول ءبىر كەزدەرى ءولىم اۋزىندا جاتقان.

ءتىپتى 2003-جىلى لوس-انجەلەستىك تۇرمەگە ءتۇسىپ، سول كەزدە ءومىرىن وزگەرتۋدى ويلاپ، ءوزىنىڭ دەنساۋلىعىن جاقسارتپاق بولادى.

جىگىتتىڭ دوسى وعان پايدالى تاعام مەن سۋسىنداردى جاساۋدى ۇيرەتكەن. مۇنىڭ ناتيجەسىن لەزدە بايقاعان رافاتي ءوزى ويدان قۇراستىرىپ سۋسىندار ازىرلەي باستايدى. ءدال سول كەزدە بۇگىنگى تانىمال سۋسىندار ومىرگە كەلدى.


«مەنىڭ سۋسىندارىم ەمدەلۋشىلەرگە كۇش بەرىپ، ولاردىڭ جاعدايىن جاقسارتا الادى. ەنجارلىق - بىرنەشە جىل ەسىرتكى مەن ىشىمدىككە اۋەستەنىپ، كەيىننەن سالاۋاتتى ءومىر سالتىن ۇستانعىسى كەلەتىن ادامدى جەڭىپ كەتەدى»، - دەيدى رافاتي.

ال عاجايىپ سۋسىندار تۋرالى قاۋەسەتتەر بۇكىل ماليبۋ قالاسىنا تارادى. سول كەزدە رافاتي سۋسىن ساتاتىن بار اشۋدى قولعا الادى. قولىنداعى 50 مىڭ دوللار مەن دوسىنىڭ قارجىلىق كومەگىمەن ول ارمانىن جۇزەگە اسىردى.


العاشقى باردى اشقان رافاتي جاي عانا «ءسۇيىپ، ەمدەپ، شابىتتاندىرۋدى» ويلاعان.

وسى ءۇش ءسوز ونىڭ بارىندا جۇمىس ىستەيتىن قىزمەتكەرلەردىڭ كيىمىندە جازىلعان. جۇمىسشىلاردى جالدايتىن كەزدە رافاتي كەزىندەگى ءوزى سەكىلدى ەسىرتكى ماسەلەسى بار ادامداردى تاڭدايدى ەكەن.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات