+7 (701) 759 90 19
-6 °С : نۇر-سۇلتان
-2 °С : الماتى
USD 388.07 EUR 427.54
RUB 6.08 CNY 55.36
جاڭالىقتار

كوسمەتولوگ مامانعا قاي كەزدە بارۋ كەرەك؟

17 قىركۇيەك 11:29
:ءبولىسۋ
كوسمەتولوگ مامانعا قاي كەزدە بارۋ كەرەك؟

نۇر-سۇلتان. قازاقپارات - تەرىمىزگە دۇرىس كۇتىم جاساي بىلسەك، سۇلۋلىق پەن جاستىقتى ۇزاعىراق ساقتاۋعا بولاتىنىن ءبارىمىز بىلەمىز، الايدا دۇرىس كۇتىم دەگەن نە ەكەنىن بارلىعىمىز بىردەي بىلمەۋىمىز مۇمكىن.

ادام تەرىسى ەڭ ماڭىزدى اعزالاردىڭ ءبىرى سانالادى. كەز كەلگەن جاستاعى ادام تەرىسىنىڭ سىرتقى كورىنىسى ىشكى جان دۇنيەسىنەن حابار بەرەدى.

سول سەبەپتەن كوسمەتولوگ كومەگىنە جاس ءوسپىرىم شاقتان باستاپ جۇگىنگەن ءجون. جاسوسپىرىمدىك شاق كوپتەگەن بالالار ءۇشىن قيىن كەزەڭ، ول پسيحيكانىڭ ەرەكشەلىگىنە بايلانىستى. باسقالارمەن قارىم- قاتىناسى تەرىسىنىڭ جاعدايىنا دا اسەر ەتەدى.

بۇل جاستا تاجىريبەلى كوسمەتولوگ مامان جاسوسپىرىمگە تەرىسىنىڭ ءتۇرى مەن جاعدايىنا قاراي قانداي كۇتىم جاساۋ كەرەگى جونىندە كەڭەس بەرەدى. ايتپەسە كوپتەگەن بالالار بەتىنە قاپتاپ كەتكەن بەزەۋمەن الىسامىن دەپ، بەت تەرىسىن ءومىر بويىنا قالپىنا كەلمەيتىندەي نە قالپىنا كەلۋى قيىن بولاتىنداي ءبۇلدىرىپ الىپ جاتاتىن جاعدايلار ءجيى كەزدەسەدى.

ال شىققان بەزەۋمەن ءىسىڭىز بولماي، جايىنا قالدىرساڭىز، ۋاقىت وتە كەلە ءوزى شىققان بەزەۋ ءوزى كەتىپ قالادى. باسقا جاعدايدا مامان كومەگىنە جۇگىنۋگە تۋرا كەلەدى.

20 جاستان كەيىن دە كوسمەتولوگكە بارۋدىڭ ارتىقشىلىعى جوق. ەگەر تەرىنىڭ جاي-كۇيىندە وزگەرىس بولسا نە ۇيدە جاساعان كۇتىمىڭىز وزگەشە اسەر بەرسە، باسقا دا ەرەكشەلىكتەردى بايقاساڭىز ۋاقىت وتكىزبەي مامان الدىنا بارىڭىز. ول ءسىزدىڭ تەرىڭىزگە تەرەڭ تازالاۋ ءراسىمىن جۇرگىزىپ، قورشاعان ورتاداعى زياندى فاكتورلاردان قورعانۋعا كومەكتەسەدى.

25 جاستان كەيىن ءوزىڭىز-اق كوسمەتولوگكە بارا بەرگىڭىز كەلەدى. سەبەبى بۇل جاستا تەرىدە قارتتىقتىڭ العاشقى بەلگىلەرى كورىنە باستاۋى مۇمكىن. العاشقى ميميكالىق اجىمدەر پايدا بولىپ، تەرىنىڭ سىڭىرگىشتىگى تەرەڭدەي تۇسەدى.

ەگەر تەرى قۇرعاق بولسا اسىرەسە كۇز- قىس مەزگىلدەرىندە جاعدايى ناشارلاي باستايدى، ال مايلى بولسا ۇيدە جاساعان كۇتىمىڭىز دۇرىس بولماي شىقسا، ودان سايىن جاعدايدى ۋشىقتىرا تۇسەسىز. تاجىريبەلى مامان كومەگىنە جۇگىنسەڭىز، ول سىزگە جاس ۇلعايعان سايىن پايدا بولاتىن وزگەرىستەرمەن كۇرەسۋدىڭ جولىن ايتادى. اجىمدەردىڭ كوبەيمەۋىنە قارسى تۇراتىن قۇرالدار ارقىلى تەرىڭىزدى جاقسارتىپ بەرەدى.

كاسىبي پروتسەدۋرالارمەن قاتار بەتكە ماسساج جاساۋ دا ارتىق ەتپەيدى، ليمفودرەناج بەتتە پايدا بولاتىن ىسىكتىڭ الدىن الادى، ميكروتسيركۋلياتسيانى جاقسارتىپ، بۇلشىقەتتىڭ گيپەرتونۋسىن ازايتادى. بۇل جاستا ەڭ دۇرىسى كوسمەتولوگكە ايىنا 2-3 رەت بارۋ.

30-35 جاستان اسقاندا جاس ۇلعايعان سايىن تەرىنىڭ جاعدايىنا بايلانىستى پروتسەدۋرا مەن ماسساجدى كەزەك قابىلداپ تۇرۋ قاجەت. اپتاسىنا ءبىر رەت نەمەسە ءبىر اپتا ماسساجعا، ءبىر اپتا پروتسەدۋراعا بارۋ. مەرزىمدىك پيللينگكە ءارتۇرلى اپپاراتتار دا قوسىلادى.

ەلەكتروتوكي، ميكرودەرمابرازيا، كريوتەراپيا، فوتوجاسارتۋ، تەرموليفتينگ، بوتۋلينوتەراپيا، بيوريەۆيتاليزاتسيا، مەزوتەراپيا، كونتۋرلىق پلاستيكا - وسىنىڭ قايسىسى ءسىزدىڭ تەرىڭىزگە ساي ەكەنىن انىقتاپ، ماماندار تەرىڭىزدەگى وزگەرىستەردى قالپىنا كەلتىرەدى. ءار ايەلگە وزىنە ءتان ميكروەلەمەنتتەر مەن دارۋمەندەرگە تولى ديەتاسى تاعايىندالادى. تەرىسىنىڭ جايىن ويلاسا، كەي تاعامداردان باس تارتۋعا دا تۋرا كەلەدى.

45 جاستان كەيىن ايەل ادامنىڭ بويىندا كوپتەگەن گورمونىق وزگەرىستەر تۇزىلەدى. بۇل شاقتا اپتاسىنا ءبىر رەت كوسمەتولوگ الدىنان ءوتىپ، گينەكولوگ جانە ەندوكرينولوگ ماماندارمەن دە قاتار جۇمىس ىستەسە نۇر ۇستىنە نۇر بولار.



باستى سوزدەر: سپورت, شەتەل قازاقتارى ,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات