الماتىنىڭ قاي اۋدانىندا جالدامالى پاتەر باعاسى ارزان؟

نۇر-سۇلتان. قازاقپارات - قىركۇيەك كىرىسىمەن الماتىدا جالعا بەرىلەتىن باسپانا باعاسى اسپانداي تۇسەدى.

2 ميلليونعا جۋىق حالقى بار ءىرى مەگاپوليستە 8 اۋدان بار. ولاردىڭ قايسىسىندا جالعا بەرىلەتىن پاتەر باعاسى ارزان؟ باسپانا نارىعىنىڭ ۇزدىگى krisha.kz ۇسىنعان رەسمي ستاتيستيكاعا نازار سالايىق. 

2019 -جىلدىڭ 22 -تامىزىنداعى نارىق مونيتورينگىنە نازار اۋدارساق، الماتىدا 1 شارشى مەتر، ورتا ەسەپپەن 2460 تەڭگەگە جالعا بەرىلەدى.

الماتىداعى ەڭ ارزان اۋدان - تۇركىسىب اۋدانى. مۇنىڭ نەگىزگى سەبەبى - اۋداننىڭ قالا ورتالىعىنان الشاق ورنالاسۋى. سونىمەن قاتار، جەتىسۋ، الاتاۋ، ناۋرىزباي اۋدانىنداعى جالدامالى پاتەر باعاسى دا وسى شامادا.

1 بولمەلى پاتەر باعاسى بۇل اۋدانداردا 60-70 مىڭنان، 2 بولمەلى پاتەر 80-90 مىڭنان، 3 بولمەلى پاتەر 95-120 مىڭنان باستالادى. قالانىڭ ورتالىعىندا ورنالاسقان اۋەزوۆ، المالى، بوستاندىق اۋداندارىندا جالدامالى پاتەر باعاسى قىمباتتاۋ.

كوممۋنالدىق قىزمەتتى ەسەپتەمەگەندە، بۇل اۋدانداردان 1 بولمەلى پاتەردى جالعا الۋ قۇنى، شامامەن 80 مىڭنان، 2 بولمەلى پاتەر 90-100 مىڭنان، 3 بولمەلى پاتەر قۇنى 110-120 مىڭ تەڭگەدەن باستالادى.

اتالعان اۋدانداردا تۇرۋدىڭ ارتىقشىلىعى - بۇل اۋماقتا ترانسپورتتىڭ بارلىق ءتۇرى ءتۇرلى باعىتتا قاتىنايدى. الماتىداعى جالعا بەرىلەتىن پاتەر باعاسى ەڭ قىمبات اۋدان - مەدەۋ اۋدانى. تاۋعا جاقىن ورنالاسقان اۋماقتاعى تۇرعىن ۇيلەر ساپالى سالىنعاندىقتان جانە پاتەردىڭ ىشكى ديزاينى، جيھاحبەن جابدىقتالۋى جوعارى دەڭگەيدە بولعاندىقتان، سايكەسىنشە جالعا بەرۋ باعاسى دا قىمبات. بۇل اۋداندا 1 بولمەلى پاتەر، ورتا ەسەپپەن 100 مىڭعا باعالانادى.