+7 (701) 759 90 19
5 °С : نۇر-سۇلتان
7 °С : الماتى
USD 389.81 EUR 430.27
RUB 6.06 CNY 54.91
جاڭالىقتار

شامالعاندىقتار كۇتكەن كوپىر قاشان سالىنادى؟

17 قىركۇيەك 09:30
:ءبولىسۋ
شامالعاندىقتار كۇتكەن كوپىر قاشان سالىنادى؟

نۇر-سۇلتان. قازاقپارات - بۇل - اقسەڭگىر-شامالعان وتكەلىندە بولعان العاشقى جانتۇرشىگەرلىك وقيعا ەمەس.

جەرگىلىكتى تۇرعىندار جولدىڭ ارعى بەتىنە امان-ەسەن ءوتۋ ءۇشىن ارنايى كوپىردىڭ كەرەك ەكەندىگىن بۇعان دەيىن ايتقان.

جۋرناليستەرگە بەرگەن سۇقباتىندا مينيستر ر. سكليار كوپىردىڭ قۇرىلىسى تاياۋ ارادا باستالاتىنىن مالىمدەدى.

«وسى وتكەل ارقىلى كۇنىنە 65 پويىز وتەدى. 10 مىڭنان استام اۆتوكولىك ءارى-بەرى قاتىنايدى. ءيا، كوپىر قاجەت ەكەنىن بىلەمىز. الايدا ونى سالۋ ءۇشىن وتكەل ماڭىنداعى 70 كە جۋىق جەكە ءۇي مەن وزگە دە نىسانداردى سۇرۋگە تۋرا كەلەدى. ال بۇل بيۋجەتكە ايتارلىقتاي شىعىن اكەلەدى. كوپىردىڭ جوبالىق جۇمىستارى مەن قۇرىلىسى كەلەسى جىلى قولعا الىنادى. ءبىراق ءدال سول تۇستان ەمەس، باسقا اۋماقتان قاراستىرىلادى»، - دەدى ول ءوز سوزىندە.

جالپى، ەلىمىزدە اۆتوموبيل جولدارىن كەسىپ وتەتىن 1 مىڭنان استام تەمىر جول وتكەلى بار. 8 ايدا ولاردا 6 جول-كولىك اپاتى بولىپ، 1 ادام كوز جۇمدى، 15 ادام زارداپ شەكتى. الماتى وبلىسىنىڭ شامالعان ستانتسياسىندا بولعان اپاتقا بايلانىستى جەدەل شتاب قۇرىلدى.

وسى وقيعاعا بايلانىستى الماتى وبلىسى توتەنشە جاعدايلار دەپارتامەنتىندە جەدەل شتاب قۇرىلىپ، جەدەل جەلى ىسكە قوسىلدى. قازىر وندا الماتى وبلىسى اكىمىنىڭ باسپا ءسوز حاتشىسى جاراقات العانداردىڭ جاعدايى تۋرالى باياندادى.

مەملەكەت باسشىسى قاسىم-جومارت توقايەۆ الماتى وبلىسى شامالعان ستانتسياسىندا بولعان اپاتقا بايلانىستى كوڭىل ايتتى.

ەلىمىزدىڭ باس كولىك پروكۋراتۋراسى الماتى وبلىسىنداعى شامالعان ستانتسياسىندا بولعان اپاتتى تەرگەۋدى ءوز باقىلاۋىنا الدى. «قازاقستان تەمىر جولى» اكسيونەرلىك قوعامى دا ءوز سايتىندا بولعان وقيعاعا قاتىستى حابارلاما جاريالادى.

ق تج زارداپ شەككەن كەلىنشەككە ماتەريالدىق كومەك كورسەتىلەتىنىن حابارلادى. الماتى- قوستاناي باعىتىنداعى جولاۋشىلار پويىزى مەن اۆتوبۋستىڭ سوقتىعىسۋى سالدارىنان جاراقات العان ءۇش ادام اۋرۋحانادا جاتىر. ياعني 1986-جىلعى جانىبەكوۆا ەلۆيرا جانە ونىڭ 2014 جانە 2016-جىلدارى تۋعان ەكى قىزى قاراساي اۋداندىق اۋرۋحاناسىنىڭ جانساقتاۋ بولىمىندە جاتىر.

ولاردىڭ جاعدايى وتە اۋىر. ناۋقاستارعا ەلىمىزدەگى بىلىكتى نەيروحيرۋرگتار كومەك كورسەتىپ جاتىر.

شامالعانداعى اپات بولعان جەرگە جاقىن اۋرۋحانالار كۇشەيتىلگەن رەجيمدە جۇمىس ىستەۋدە. ال ق ر ءى ءى م وكىلدەرى پويىز بەن اۆتوبۋس سوقتىعىسقان جەردە تاجىريبەلى تەرگەۋ توبى جۇمىس ىستەپ جاتقاندىعىن مالىمدەدى.

جالپى، بۇل جەرگە تۇرعىندار بۇرىن كوپىر سالىپ بەرۋدى سۇراعان ەكەن. قازىرگى ۋاقىتتا اقسەڭگىر-شامالعان باعىتىنداعى تەمىرجول قاتىناسى قايتا اشىلدى.

ايتا كەتەيىك، الماتى وبلىسىنىڭ شامالعان ستانتسياسىندا قاتتى ءجۇرىپ كەلە جاتقان پويىز ءوز جولىندا تۇرعان جولاۋشىلار اۆتوبۋسىنا سوقتىعىسىپ، سالدارىنان اۆتوبۋس جۇرگىزۋشىسى قازا تاپتى.

www.24.kz



باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات