+7 (701) 759 90 19
10 °С : نۇر-سۇلتان
14 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

داريعا نازاربايەۆا ۆاتيكانعا بارۋدى جوسپارلاپ وتىر

16 قىركۇيەك 21:32
:ءبولىسۋ
داريعا نازاربايەۆا ۆاتيكانعا بارۋدى جوسپارلاپ وتىر

نۇر- سۇلتان. قازاقپارات - پارلامەنت سەناتىنىڭ ءتوراعاسى، الەمدىك جانە ءداستۇرلى دىندەر ليدەرلەرى سەزىنىڭ باسشىسى داريعا نازاربايەۆا قازاقستانداعى اپوستول نۋنتسييى فرەنسيس اسسيزي چۋلليكاتتى قابىلدادى،

دەپ حابارلايدى قازاقپارات جوعارى پالاتانىڭ باسپا ءسوز قىزمەتىنە سىلتەمە جاساپ.

ۆاتيكان وكىلى بەيبىت ءۇنقاتىسۋ ارقىلى دىندەر مەن مادەنيەتتەر اراسىنداعى كەلىسپەۋشىلىكتەردى ەڭسەرە وتىرىپ، جاھاندىق قاۋىپسىزدىكتى نىعايتۋداعى قازاقستاننىڭ قىزمەتىن جوعارى باعالادى. «الەمدىك جانە ءداستۇرلى دىندەر ليدەرلەرى سەزى قازىرگى زامانداعى وزەكتى ماسەلەلەر مەن قاۋىپ- قاتەرلەردى شەشۋدە ەرەكشە الاڭ بولىپ تابىلادى»، - دەپ اتاپ ءوتتى ول.

سەنات باسشىسى قازاقستان مەن ۆاتيكان اراسىنداعى سىندارلى ءىس- قيمىل تۋرالى ايتا كەلىپ، قازاقستان پونتيفيك بارعان ورتالىق ازياداعى العاشقى جانە جالعىز ەل بولعانىن اتاپ ءوتتى. 2001 -جىلى استاناعا پاپا II يوانن پاۆەلدىڭ ساپارى ەلىمىز ءۇشىن ەرەكشە وقيعالاردىڭ ءبىرى بولدى.


د. نازاربايەۆا الەمدىك جانە ءداستۇرلى دىندەر ليدەرلەرىنىڭ VII سەزىنە دايىندىق بارىسىندا ۆاتيكانعا بارۋدى جوسپارلاپ وتىرعانىن ايتتى. سەنات ءتوراعاسى ۆاتيكانداعى پەدياتريالىق كلينيكا قىزمەتىنىڭ تابىستى تاجىريبەسىن اتاپ ءوتىپ، قازاقستاندىق بالالارعا مەديتسينالىق كومەك كورسەتۋ جانە دارىگەرلەردى وزىق تەحنولوگيالارعا وقىتۋدى قامتاماسىز ەتۋ ءۇشىن ۆاتيكان مەن قازاقستاننىڭ دەنساۋلىق ساقتاۋ مينيسترلىگى اراسىنداعى ىنتىماقتاستىقتى قالىپتاستىرۋدى ۇسىندى. قازاقستانداعى اپوستول نۋنتسييى ۆاتيكاننىڭ ءدىني قىزمەتكەرلەرىن ۆيزامەن قامتاماسىز ەتۋ ماسەلەسىن كوتەردى. ولار جىل سايىن ۆيزانى ۇزارتۋعا ءماجبۇر بولادى ءارى ول ىڭعايسىزدىق تۋدىرىپ كەلەدى. سەنات باسشىسى اتالعان ماسەلەنى باقىلاۋىنا الدى. سىرتقى ىستەر مينيسترلىگىندە وسى باعىتتاعى جۇمىستار باستالعان بولاتىن، ەندى، مەكەمەارالىق رەسىمدەردى رەتتەۋ قاجەت. كەزدەسۋ اياسىندا كونفەسسياارالىق جانە وركەنيەتارالىق دامۋ جونىندەگى ن. نازاربايەۆ ورتالىعىنىڭ ب ۇ ۇ ۇيىمدارىمەن ىنتىماقتاستىعىنىڭ كەلەشەگى تالقىلاندى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات