اتىراۋلىق فەرمەرلەر العاش رەت ليمون ءوسىرىپ شىعاردى
سۋبتروپيكتىك كليماتتا عانا وسەتىن ليموندى ەندى وزىمىزدە دە وسىرۋگە بولاتىندىعىنا كوز جەتتى. باۋ- باقشا ءوسىرۋدى كاسىپ ەتەتىن شارۋا قوجالىعىنىڭ وكىلدەرى جۋىردا العاشقى ليمون ءونىمىن الادى. بۇل كۇندى ەڭبەكقور شارۋالار 3 جىل كۇتتى.
قاجىرلى ەڭبەك پەن ءتوزىمنىڭ ارقاسىندا 20 شاعىن جىلىجايداعى 2 مىڭ ءتۇپ ليموننىڭ ءبىرى قالماي جەمىس بەرۋ كەزەڭىنە جەتتى. العاشقى سىننان سۇرىنبەي وتكەن شارۋالار ەندى باسقا تروپيكتىك جەمىستەردى دە ءوسىرىپ كورۋدى جوسپارلاپ وتىر.
ۆيكتور شەففەر، شارۋا قوجالىعىنىڭ اگرونومى:
- ليمون ءوسىرۋ نەگىزى اسا قيىن شارۋا ەمەس ەكەن. تەك باپتاپ، كۇتە ءبىلۋ كەرەك. دەگەنمەن، ءبىزدىڭ ايماقتىڭ اۋا رايى قيىنداۋ. قىستا سۋىق ءارى ۇنەمى جەل، بورانداتىپ تۇرادى. قىستىڭ كۇنى ليموناريدىڭ ىشىندەگى اۋا 2 گرادۋس ىستىقتىقتان تومەن بولماۋى كەرەك. ال جازعى مەزگىلدە 60 گرادۋس ىستىققا دا توتەپ بەرەدى.
www.24.kz