اتىراۋ وبلىسىنىڭ قيعاش وزەنىندە جەر بەتىندەگى سيرەك گۇلى وسەدى

None
None
نۇر-سۇلتان. قازاقپارات – اتىراۋ وبلىسىنداعى قيعاش وزەنىنىڭ كاسپي تەڭىزىنە قۇيار ساعاسى ناعىز تۋريستىك ورتالىققا اينالدىرۋعا بولاتىن عاجايىپ مەكەن. تەڭىز اتىرابىنداعى ونداعان وزەن ساعاسىندا سان الۋان وسىمدىكتەر ءوسىپ، ءتۇرلى بالىق پەن اڭ- قۇس مەكەن ەتەدى.

جازعى ماۋسىمدا مۇندا قۇستار بالاپان باسىپ، جىلى جاققا كەرى ۇشىپ كەتەدى. بۇل اڭشىلار مەن بالىقشىلاردىڭ قانجىعاسى مايلاناتىن ءسات. ءبىر عانا قيعاش وزەنىنىڭ ساعالارىنداعى اسەم تابيعات كورىنىستەرى مەن سۋ جاندىكتەرى، اڭ مەن قۇسىن ەسەپكە السا «شاعىن قىزىل كىتاپ» دەۋگە بولادى. مۇندا جەر بەتىندە سيرەك كەزدەسەتىن لوتوس گۇلدەرىمەن سۋ جاڭعاقتارى دا بار. بۇكىل جەر شارىن اينالىپ كەلەتىن جىل قۇستارى دا جازدا وسىندا تۇراقتايدى.

سانسىزباي توعايەۆ، «اقجايىق» تابيعي قورىعىنىڭ ينسپەكتورى:

 - ءبىزدىڭ جاقتا نەشە ءتۇرلى قۇستار بار. سونىڭ ىشىندە قىزىل كىتاپقا ەنگەن 36 ءتۇرى بار. مىسالى ءبىرقازان، قاراباي، ۇيرەكتىڭ شۇرەگەي دەگەن ءتۇرى بار، كىپ- كىشتەنتاي بولادى. سونداي كوپتەن- كوپ قۇستار بار قىزىل كىتاپقا ەنگەن. سۋلى دا، نۋلى دا بۇل ولكەنى ماۋسىم كەزىندە قۇس تورەسى - اققۋلار دا مەكەن ەتەدى.

قولايلى ورتادا تەز قاناتتانىپ ۇلگەرگەن اقۇرپەك بالاپاندارىن ورگىزىپ سۋ بەتىنە شىققاندا اسپانداعى اق بۇلتتار ايدىن كولگە قونعانداي اسەر الاسىز. وسىنداي عاجايىپ تابيعي ورتا بۇل ايماققا تۋريستەردىڭ كوپتەپ كەلۋىنە بىردەن- ءبىر سەپتىگىن تيگىزىپ وتىر.

ماحامبەت كوپتىلەۋوۆ، «قيعاش» ەكولوگيالىق تۋريزم بازاسىنىڭ باسشىسى:

 - ادامداردىڭ سوڭعى كەزدەرى ەكولوگيالىق تۋريزمگە باسا ءمان بەرۋى مەنى قاتتى قۋانتادى. بۇكىل وتباسى، بالا- شاعالارىمەن كەلىپ دەمالىپ، مىنا قايتالانباس تابيعي كورىنىستەرگە كۋا بولىپ جاتادى. وتانداستارىمىزدىڭ اراسىندا ىشكى تۋريزم ەندى دامىپ كەلە جاتقانىمەن تىلسىم تابيعات اياسىنداعى ساياحاتتان ءلاززات الاتىن شەتەلدىكتەر بۇل عاجايىپ مەكەندى كوپتەن بىلەدى.

ت م د مەن ەۋروپا ەلدەرىنەن كەلەتىن تۋريستەردى ايتپاعاننىڭ وزىندە امەريكا، افريكادان ارنايى كەلەتىن قوناقتاردا بار ەكەن. ال الىستان ات ارىلتىپ كەلەتىن مەيماندار ءۇشىن ايماقتاعى 5 تۋريستىك ورتالىق وكىلدەرى تالاپقا ساي سەرۆيستىك قىزمەت كورسەتەدى.

www.24.kz


سوڭعى جاڭالىقتار