17:07, 16 - قىركۇيەك 2019 | GMT +6
اتىراۋ وبلىسىندا ەلەكتر باعانىنا سوعىلعان بۇركىتتىڭ بالاپانى قورىققا وتكىزىلدى
نۇر-سۇلتان. قازاقپارات - اتىراۋ وبلىسىندا مۇنايشىلار دالا بۇركىتىنىڭ بالاپانىن امان الىپ قالدى. بۇل ءتۇسىرىلىم الەۋمەتتىك جەلىدە كوپ كورسەتىلدى.
قىزىل كىتاپقا ەنگىزىلگەن ءتۇز قۇسىنىڭ 5-6 ايلىق بالاپانىن «تەڭىز» كەن الاڭىنداعى مۇنايشىلار تاۋىپ الىپتى. ەلەكتر باعانىنا سوعىلىپ، جاراقات العان بالاپان جولعا جورعالاپ جەتىپ، ۇشىپ كەتۋگە ارەكەتتەنگەن. الايدا وزدىگىنەن جەردەن كوتەرىلە المادى. قامقور قولعا تاپ بولعان ءتۇز قۇسى تابيعات قورعاۋشىلارعا تاپسىرىلدى.
كەيىنىرەك جاراقاتىنان ايىققان بالا بۇركىت «اقجايىق» تابيعي قورىعىنا جىبەرىلدى. قاناتى قاتايعان سوڭ دالا بۇركىتى بايىرعى مەكەنىنە ورالادى.
www.24.kz