ءال- فارابي مەن اباي مەرەيتويلارىنا ۇلكەن ءمان بەرىلۋدە- ساۋىتبەك ابدراحمانوۆ

None
None
نۇر- سۇلتان. قازاقپارات – ق ر پارلامەنتى ءماجىلىسىنىڭ دەپۋتاتى ساۋىتبەك ابدراحمانوۆ مەملەكەت باسشىسىنىڭ حالىققا جولداۋى تۋرالى پىكىر ءبىلدىردى، دەپ حابارلايدى قازاقپارات ءتىلشىسى.

«ءوز جولداۋىندا مەملەكەت باسشىسىنىڭ الەۋمەتتىك جاڭعىرۋ، ءبىلىم بەرۋ ساپاسىن كوتەرۋ، يننوۆاتسيالىق تاسىلدەردى قولدانۋ، ساپالى مەديتسينالىق قىزمەت قولجەتىمدىلىگى ماسەلەلەرىن كوتەرۋى قۋانتادى. جاستارعا دا ەرەكشە كوڭىل ءبولىنىپ وتىر. بارلىق ايتىلعان تاپسىرمالاردى جۇزەگە اسىرۋ جاستاردىڭ ازاماتتىق ۇستانىمى مەن الەۋمەتتىك- ساياسي بەلسەندىلىگىنە بايلانىستى»، - دەدى ساۋىتبەك ابدراحمانوۆ دوستىق ۇيىندە مەملەكەت باسشىسىنىڭ جولداۋىن تالقىلاۋ جونىندەگى دوڭگەلەك ۇستەلدە.

 دەپۋتات مەملەكەتتىك ءتىلدىڭ مارتەبەسىن كوتەرۋدىڭ ماڭىزدىلىعى جونىندە اڭگىمەلەدى. «پرەزيدەنت مەملەكەتتىك ءتىلدىڭ مارتەبەسى، قازاق ءتىلىنىڭ ۇلتارالىق قاتىناس ءتىلى رەتىندەگى ءرولىن نىعايتۋ ماسەلەسىن كوتەردى. بۇل - بىرنەشە جىلعا ارنالعان پرەسپەكتيۆالىق مىندەت. وعان تەز جەتەمىز دەپ ۇمىتتەنۋ - بەكەرشىلىك. بالكىم، بىزدەگى ءبىراز ادام ونى كورمەۋى مۇمكىن، ءبىراق كەلەشەك ۇرپاق تۋرالى ويلاۋىمىز كەرەك. ءبىز وسىعان كەلە جاتىرمىز»، - دەدى ول.

 سونىمەن بىرگە، س. ابدراحمانوۆ ءال- فارابي مەن اباي مەرەيتويلارىن وتكىزۋگە مەملەكەتتىڭ ۇلكەن ءمان بەرىپ وتىرعانىن ايتتى.

«پرەزيدەنت ايتقان ءال- ءفارابيدىڭ 1150 جىلدىعى مەن ابايدىڭ 175 جىلدىق مەرەيتويىن تويلاۋ جونىندە ەرەكشە اتاپ وتكىم كەلەدى. مەن ەكى كوميسسيانىڭ دا مۇشەسىمىن، بۇل مەرەيتويلاردى وتكىزۋگە ەرەكشە كوڭىل ءبولىنىپ وتىر. جاقىندا مەملەكەتتىك حاتشى مارات ءتاجين كوميسسيا وتىرىسىن وتكىزىپ، ۇلكەن تاپسىرمالار بەردى»، - دەدى ساۋىتبەك ابدراحمانوۆ. 

سوڭعى جاڭالىقتار