+7 (701) 759 90 19
0 °С : نۇر-سۇلتان
16 °С : الماتى
USD 389.59 EUR 429.06
RUB 6.05 CNY 55.07
جاڭالىقتار

وزبەكستان تۇركى كەڭەسىنىڭ تولىققاندى مۇشەسى بولدى - باعداد امىرەيەۆ

16 قىركۇيەك 15:30
:ءبولىسۋ

ىستانبۇل. قازاقپارات - تۇركى كەڭەسىنىڭ باس حاتشىسى باعداد امىرەيەۆ وزبەكستان رەسپۋبليكاسىنىڭ تۇركى كەڭەسىنە مۇشەلىگى تۋرالى مالىمدەمە جاسادى، دەپ حابارلايدى قازاقپارات.

«تۇركى كەڭەسىنىڭ باس حاتشىسى رەتىندە 2019 -جىلدىڭ 14 - قىركۇيەكتە وزبەكستان رەسپۋبليكاسىنىڭ 2009 -جىلى تۇركى تىلدەس مەملەكەتتەردىڭ ىنتىماقتاستىق كەڭەسىن (تۇركى كەڭەسى) قۇرۋ تۋرالى ناحچىۆان كەلىسىمىن راتيفيكاتسيالاعانىن ۇلكەن قۋانىشپەن حابارلايمىن.

بۇل قاداممەن وزبەكستان رەسپۋبليكاسىنىڭ تۇركى كەڭەسىنىڭ تولىققاندى مۇشەسى بولدى. وسى تاريحي شەشىم ناحچىۆان كەلىسىمىنە قول قويىلۋىنىڭ 10 جىلدىعىنا جانە 2019 -جىلى 15 - قازاندا باكۋدە وتەتىن تۇركى كەڭەسىنىڭ 7-سامميتىنە تۇسپا- تۇس كەلىپ وتىر. الداعى سامميتتە تۇركى تىلدەس ەلدەرىنىڭ باسشىلارى وزبەكستان رەسپۋبليكاسىنىڭ پرەزيدەنتى شاۆكات ميرزيەيەۆ باستاعان باۋىرلاس وزبەك ەلىن رەسمي تۇردە قۇرمەتپەن قارسى الادى.

باۋىرلاس وزبەكستاننىڭ تۇركى كەڭەسى ۇجىمىنا كىرۋىن شىن جۇرەكپەن قۇپتاي وتىرىپ، بۇل ايتۋلى وقيعا تۇركى كەڭەسىنىڭ جۇمىسىنا جانە تۇركىتىلدەس ەلدەر مەن حالىقتار اراسىنداعى ۇدايى دامىپ كەلە جاتقان ىنتىماقتاستىققا ۇلكەن سەرپىن بەرەدى دەپ سانايمىن.

وزبەكستان ءاردايىم تۇركى الەمىنىڭ اسا ماڭىزدى فاكتورلارىنىڭ ءبىرى جانە ۇلى جىبەك جولىنىڭ بويىندا ورنالاسقان سامارقاند، بۇحارا جانە حيۋا سياقتى قالالارىمەن تۇركى- يسلام دۇنيەسىنىڭ ەكونوميكالىق جانە مادەني بەسىگى بولدى. سونىمەن بىرگە، باۋىرلاس وزبەك حالىعىنىڭ ءوزىنىڭ باي ۇلتتىق جانە تاريحي مۇراسىمەن الەمدىك وركەنيەتكە قوسقان ۇلەسى زور. بۇگىنگى تاڭدا وزبەكستان تەك ءوزىنىڭ باۋىرلاس ەلدەرىنە عانا ەمەس، سونىمەن قاتار بۇكىل ايماق ءۇشىن دە ىنتىماقتاستىق پەن دامۋدىڭ جاڭا ءۇردىسىن ۇسىنىپ وتىر.

وسى ەرەكشە ءساتتى پايدالانا وتىرىپ، باۋىرلاس وزبەكستاندى جاڭا داۋىرگە باستاعان رەسپۋبليكا پرەزيدەنتى شاۆكات ميرزيەيەۆكە ۇلكەن قۇرمەتىمدى بىلدىرگىم كەلەدى. وزبەكستان مەن باسقا دا تۇركى تىلدەس ەلدەر اراسىنداعى عاسىرلار بويعى مىزعىماس تامىرلارىنا نەگىزدەلگەن باۋىرلاستىق قاتىناستار تۇركى كەڭەسىنىڭ ءبىرتۇتاستىق تۋى استىندا جاڭا كەنەستىك پەن جارقىن بولاشاققا يە بولاتىنىنا سەنىمدىمىن» ، - دەلىنگەن تۇركى كەڭەسىنىڭ باس حاتشىسى باعداد امىرەيەۆتىڭ مالىمدەمەسىندە.

بۇعان دەيىن ق ر سىرتقى ىستەر مينيسترلىگى وزبەكستان رەسپۋبليكاسىنىڭ تۇركى تىلدەس مەملەكەتتەردىڭ ىنتىماقتاستىق كەڭەسىنە كىرۋىن قولدايتىنى تۋرالى حابارلاعان بولاتىنبىز.



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات