+7 (701) 759 90 19
0 °С : نۇر-سۇلتان
16 °С : الماتى
USD 389.59 EUR 429.06
RUB 6.05 CNY 55.07
جاڭالىقتار

مينيستر شامالعانداعى وتكەلگە قاشان كوپىر سالىناتىنىن ايتتى

16 قىركۇيەك 14:50
:ءبولىسۋ
مينيستر شامالعانداعى وتكەلگە قاشان كوپىر سالىناتىنىن ايتتى

نۇر-سۇلتان. قازاقپارات - يندۋستريا جانە ينفراقۇرىلىمدىق دامۋ ءمينيسترى رومان سكليار شامالعانداعى اپات تىركەلگەن جولداعى كەپتەلىستى شەشۋ ءۇشىن كوپىر سالىناتىنىن مالىمدەدى، دەپ حابارلايدى قازاقپارات ءتىلشىسى.

«ءبىز وتپەجولدا كوپىر سالۋدى كەلەسى جىلعا جوسپارلاپ وتىرمىز. ءبىراق، كوپىر ءدال وسى وتكەلدە ەمەس، جەر ۇيلەر ازىراق ورنالاسقان اۋماقتا سالىنادى»، - دەدى رومان سكليار و ك ق- دا تىلشىلەردىڭ سۇراقتارىنا جاۋاپ بەرىپ.

مينيستر كوپىر بويىنشا جوبالار جۇمىستارى كەلەسى جىلى باستالاتىنىن جەتكىزدى.

«جوبالاۋ مەرزىمى شامامەن 3-4 ايدى الادى. كەلەسى جىلى وتكەلدە كوپىر قۇرىلىسىن باستاپ كەتۋدى جوسپارلاپ وتىرمىز. ول ودان باسقا جەردە ورنالاسادى»، - دەدى ول.

ايتا كەتسەك، بۇعان دەيىن مينيستر شامالعانداعى وتكەلگە كوپىر سالۋ ءۇشىن 70 جەر ءۇيدى ءسۇرۋ كەرەكتىگىن ايتقان ەدى. وسى وقيعاعا بايلانىستى ءى ءى م كولىكتەگى پوليتسيا قىزمەتكەرلەرى باقىلاۋ جۇمىستارىن كۇشەيتپەك.

ەسكە سالا كەتسەك، كەشە شامالعان ستانسياسىندا پويىز بەن اۆتوبۋس سوقتىعىسقان بولاتىن.

الدىن الا بولجام بويىنشا، اۆتوبۋس تەمىر جولدىڭ رەلسىنە شىعىپ كەتكەن. وقيعا ورنىندا اۆتوبۋس جۇرگىزۋشىسى مەرت بولىپ، تاعى 3 ادام قاراساي اۋداندىق اۋرۋحاناسىنىڭ جانساقتاۋ بولىمىندە جاتىر. ونىڭ ەكەۋى بالا.

قازىر اتالعان فاكتى بويىنشا ق ر ق ك 345-بابىنىڭ 3-تارماعى بويىنشا ءىس قوزعالىپ، تەرگەۋ ءجۇرىپ جاتىر. ءىستىڭ تەرگەلۋىن باس كولىكتىك پروكۋراتۋرا ءوز باقىلاۋىنا الدى. ق ر پرەزيدەنتى قاسىم-جومارت توقايەۆ اقسەڭگىر- شامالعان تەمىرجول وتكەلىندە پويىز بەن اۆتوبۋس سوقتىعىسىنان جاپا شەككەندەردىڭ تۋعان-تۋىستارىنا كوڭىل ايتتى.

اۆتور: ايان بەكەن ۇلى


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات