الەمدەگى ەڭ «لاس» ۆاليۋتالاردىڭ ءتىزىمى انىقتالدى

الماتى. قازاقپارات - تۇركيا، گەرمانيا جانە نيدەرلاندىنىڭ عالىمدارى قاي ەلدىڭ بانكنوتتارىندا باكتەريالار ءجيى تارالاتىنىن انىقتادى.

بۇل تۋرالى baq.kz اقپارات كوزى تاسس پورتالىنا سىلتەمە جاساي وتىرىپ حابارلادى.

زەرتتەۋ ناتيجەلەرىنە سايكەس ەڭ لاس ۆاليۋتا رۋمىنيالىق لەي ەكەنى بەلگىلى بولدى. بۇدان بولەك، باكتەريالار امەريكالىق جانە كانادالىق دوللارلاردا، سونداي-اق ينديالىق رۋپيلەردە كوپتەپ كەزدەسەتىن كورىنەدى.

رۋمىنيا ۆاليۋتاسىنىڭ لاس اقشا رەيتينگىسىندە ءبىرىنشى ورىنعا تابان تىرەۋىنىڭ وزىندىك سەبەبى بار. رۋمىنيالىق لەي ۇزاق ۋاقىت اقشا اينالىمىندا ءجۇرۋى ءۇشىن جانە قولدان جاساپ شىعارۋ فاكتىلەرىن بولدىرماۋ ءۇشىن بانكنوتتى جاساعان كەزدە ونىڭ قۇرامىنا پوليمەرلەردى قوسادى.

بۇنداي جاڭالىقتى اشقان عالىمدار ەكونوميكا بويىنشا شنوبەل پرەمياسىن الدى. 29 رەت وتكىزىلىپ جاتقان ناگرادالاردى ماراپاتتاۋ ءراسىمى 12 -قىركۇيەك كۇنى گارۆارد ۋنيۆەرسيتەتىندە ءوتتى.

سىياقى رەتىندە ولارعا 10 تريلليون زيمبابۆەلىك دوللار بەرىلدى. بانكنوتا شىعارىلعان كەزدە ونىڭ نارىقتىق قۇنى شامامەن امەريكالىق 40 سەنتكە تەڭ بولدى.