+7 (701) 759 90 19
10 °С : نۇر-سۇلتان
14 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

اق ءۇي: ارنايى اسكەري وپەراتسيا كەزىندە ۋساما بەن لادەننىڭ ۇلى وققا ۇشتى

16 قىركۇيەك 12:43
:ءبولىسۋ
اق ءۇي: ارنايى اسكەري وپەراتسيا كەزىندە ۋساما بەن لادەننىڭ ۇلى وققا ۇشتى

نۇر-سۇلتان. قازاقپارات – «ءال-قايدا» تەرروريستىك ۇيىمىنىڭ نەگىزىن قالاعان ۋساما بەن لادەننىڭ ۇلى حامزا بەن لادەندى ارنايى وپەراتسيا كەزىندە اتىپ ولتىرگەن دەپ حابارلادى سەنبى، 14- قىركۇيەكتە اق ءۇي.

«ءال- قايدا» ۇيىمىنا جەتەكشىلىك ەتكەن حامزا بەن لادەن پاكىستان مەن اۋعانستان شەكارالارى ماڭىنداعى اۋماقتا قازا تاپقان. ا ق ش پرەزيدەنتى دونالد ترامپ جاريالاعان مالىمدەمەدە وقيعانىڭ قاشان بولعانى ايتىلمايدى. وپەراتسيانىڭ تولىق جاي-جاپسارى دا جازىلماعان.

مالىمدەمەدە بەن لادەن ۇلىنىڭ ءولىمى «ءال-قايدا» ۇيىمىنىڭ كۇش-قۋاتىن السىرەتىپ، وزگە تەرروريستىك توپتارمەن بايلانىسىن ازايتپاق دەپ كورسەتىلگەن.

امەريكالىق ب ا ق حامزا بەن لادەننىڭ قازا تاپقانىن اكىمشىلىكتەگى بەلگىسىز اقپارات كوزىنە سىلتەمە جاساي وتىرىپ، تامىز ايىندا حابارلاعان ەدى.

بۇعان دەيىن ا ق ش مەملەكەتتىك دەپارتامەنتى جاس شاماسى وتىزدان ەندى اسقان حامزا بەن لادەن «ءال- قايدا» ۇيىمىنداعى اكەسىنىڭ ورنىن باسۋدى كوزدەپ وتىر دەپ مالىمدەگەن. وسىدان كەيىن ا ق ش بيلىگى بيىل اقپاندا ونى ۇستاۋعا كومەكتەسەتىن اقپارات ءۇشىن ميلليون دوللار سىياقى تاعايىنداعان.

مۇنىڭ الدىندا حامزا بەن لادەن ينتەرنەت ارقىلى اۋديو جانە ۆيدەو ۇندەۋ جاريالاپ، ا ق ش- قا شابۋىل جاساۋعا شاقىرعان.

ا ق ش- تا ۋساما بەن لادەندى 2001-جىلى 11- قىركۇيەكتە بولعان تەراكتىنى ۇيىمداستىردى دەپ سانايدى. بۇل تەراكتىدەن شامامەن ءۇش مىڭ ادام قازا تاپقان. ۋساما بەن لادەننىڭ ءوزىن ا ق ش- تىڭ ارنايى جاساق وكىلدەرى 2011-جىلى مامىر ايىندا پاكىستاندا اتىپ ولتىرگەن بولاتىن.

«ازاتتىق»



باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات