+7 (701) 759 90 19
5 °С : نۇر-سۇلتان
7 °С : الماتى
USD 389.81 EUR 430.27
RUB 6.06 CNY 54.91
جاڭالىقتار

شامالعانداعى اپات: دارىگەرلەر زارداپ شەككەندەر تۋرالى تولىق اقپارات بەردى

16 قىركۇيەك 11:54
:ءبولىسۋ
شامالعانداعى اپات: دارىگەرلەر زارداپ شەككەندەر تۋرالى تولىق اقپارات بەردى

تالدىقورعان. قازاقپارات - شامالعان ستانتسياسىنداعى اپات سالدارىنان زارداپ شەككەن ءۇش ناۋقاستىڭ جاعدايى ءالى دە اۋىر، دەپ حابارلايدى قازاقپارات ءتىلشىسى وبلىستىق دەنساۋلىق ساقتاۋ باسقاراماسىنا سىلتەمە جاساپ.

قازىر زارداپ شەككەن ءۇش ناۋقاس قاراساي اۋداندىق ورتالىق اۋرۋحاناسىنىڭ جانساقتاۋ بولىمىندە جاتىر.

«2014 جانە 2016-جىلى تۋىلعان بالالار جانە 33 جاسار ايەلدىڭ جاعدايى وزگەرىسسىز قالىپ وتىر. ۇشەۋىنىڭ دە جاعدايى اۋىر. 2016-جىلعى ناۋقاستىڭ ميى اۋىر دارەجەدە زاقىمدانعان. كەۋدە قۋىسىنىڭ جابىق جاراقاتىن العان. سول جاق وكپەسى سوعىلعان. كومانىڭ 2-3 دارەجەسى. ال 2014-جىلعى ناۋقاستىڭ دياگنوزى، ميدىڭ اۋىر دارەجەدەگى زاقىمدانۋى. وڭ جاق-ساماي سۇيەگىنىڭ سىنۋى. وڭ جاق سۋبدۋرالدى گەماتوما. كوما 2-3. ال 1986-جىلعى ناۋقاستىڭ دا جاعدايى اۋىر. وعان قويىلعان دياگونوز: ارالاس جاراقات. ميدىڭ شايقالۋى. وڭ جاق يىق سۇيەگىنىڭ تومەنگى ۇشتەن ءبىر بولىگىنىڭ جابىق فراگمەنتتى سىنىعى انىقتالعان. 1-دارەجەدەگى تراۆماتيكالىق شوك العان»، دەلىنگەن اتالعان ۆەدومستۆونىڭ تاراتقان اقپاراتىندا.

باسپا ءسوز قىزمەتى بەرگەن مالىمەتكە سايكەس، 15- قىركۇيەك كۇنى ساعات 19:26 دا جەدەل جاردەم ستانساسىندا جولاۋشىلار اۆتوبۋسى مەن پويىز سوقتىعىسۋى تۋرالى حابارلاما كەلىپ تۇسكەن.

وقيعا ورنىنا 15 مينۋتتا 9 جەدەل جاردەم كولىگى كەلگەن. 1979-جىلى تۋعان ەر ادام وقيعا ورنىندا كوز جۇمدى.

ەستەرىڭىزگە سالا كەتەيىك، 15- قىركۇيەك كۇنى شامالعان ستانتسياسىندا پويىز بەن اۆتوبۋس سوقتىعىستى. الدىن-الا بولجام بويىنشا، جولاۋشىلار اۆتوبۋسى تەمىر جولدىڭ رەلسىنە شىعىپ كەتكەن. وقيعا ورنىندا اۆتوبۋس جۇرگىزۋشىسى مەرت بولىپ، تاعى 3 ادام قاراساي اۋداندىق اۋرۋحاناسىنىڭ جانساقتاۋ بولىمىندە جاتىر. ونىڭ ەكەۋى بالا.

قازىر اتالعان فاكتى بويىنشا ق ر ق ك 345-بابىنىڭ 3-تارماعى بويىنشا ءىس قوزعالىپ، تەرگەۋ ءجۇرىپ جاتىر. ءىستىڭ تەرگەلۋىن باس كولىكتىك پروكۋراتۋرا ءوز باقىلاۋىنا الدى. ق ر پرەزيدەنتى قاسىم-جومارت توقايەۆ پوەزد بەن اۆتوبۋس سوقتىعىسىنان جاپا شەككەندەردىڭ تۋعان-تۋىستارىنا كوڭىل ايتتى.


باستى سوزدەر: قوعام, ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات